Itech tonal 22 metsti marzo peuas se ueyi tekit

Nejin xiuit, itech tonal 22 metsti marzo peuas tikinyoleuaskej taltikpakneminij maj touan kielnamikikan imikilis Jesús. Tinochin uelis titapaleuiskej. Itamiampa sejse semana no tiktemakaskej revistas komo tikitaj ke ueli. Itech yekinika sábado tein kipia abril sayoj tikmoyauaskej tayoleualismej uan amo tikpeualtiskej nemachtilmej ika Biblia. Sayoj ke, komo tikajsij se akin yekmelauj kineki kimatis okachi, uelis tikpeualtiskej se nemachtil iuan. Akin kiixyekana tanojnotsalis itech nechikol kiixejekos ox kuali yeski maj tiktemakakan tayoleualismej kampa moajsiskej miakej taltikpakneminij. Maj tikijkuilokan itech se amat tochankauan, akin iniuan titekitij oso timomachtiaj uan akin kuali techkakiskej uan oksekin akin tiknekiskej maj yakan, uan maj tikinmakakan se tayoleualis niman keman peuas tikmoyauaskej tayoleualismej. Tikchiaj maj miakej touan kielnamikikan keniuj Jiova uan Jesús kinextijkej ke techteltasojtaj (Juan 3:16; 15:13).