Seki taman tein mopatas itech nechikol tein tikpiaj itajkotian semana
Peuas itech semana 3 metsti septiembre, Nemachtil ika Biblia itech Nechikol amo uejkauasok veinticinco minutos, ta yeski tajko hora. Keman peuas, akin kiixyekanas nemachtil, itech se minuto ika tajtos tamachtilis tein moitak se semana achto. Nechikol tein Techmachtia iTekiyo Dios no mopatas. Axkan uejkauas tajko hora uan amo treinta y cinco minutos. Amo moxelosok seki minuto ika tanauatilmej. Komo onkak se tanauatil tein motelneki, motemakas itech yekinika tamachtilis itech Nechikol tein Techmachtia iTekiyo Dios. Miakpa, tanauatilmej amo miakej yeskij, uan kemansa nion se, porin amo monekis moijtosok toni tamachtilismej motemakas ijkuak. Amo moneki motanauatisok tein moixtalijtok mochiuas itech tanojnotsalis oso itech tachipaualis. Amo no moneki motanauatis tatajpalolis tein tiktitaniskej oso tikseliskej (km-S 10/08 pág. 1 § 4). Takan se tanauatil ueyi, akin kipanoltiskej okseki tamachtilismej monekis kimatiskej uan ijkon yejuan kitamiltiskej tepitsin achto.