Maj tiyolpakikan itech tonalmej keman tikelnamikiskej imikilis Jesús
1. ¿Keniuj uelis okachi tionyolpakis itech tonalmej keman moelnamikis imikilis Jesús?
1 ¿Tikonneki okachi tionyolpakis itech metsti marzo, abril uan mayo? Okachi xiontanojnotsa, uan komo ueli, xikonchiua tekit kemej precursor auxiliar. ¿Keyej nejon mitsonpaleuis okachi xionyolpaki?
2. ¿Keyej okachi tiyolpakij keman okachi titanojnotsaj?
2 Okachi xionyolpaki. Jiova techchijchiuak maj tiyolpakikan ijkuak tikueyichiuaskej uan tikpiaskej se kuali uikalis iuan (Luc. 11:28). No techchijchiuak kemej tiyolpakiskej keman tikinpaleuiskej oksekin (Hech. 20:35). Itech tanojnotsalis ueli tikchiuaj nejon ome taman: tikueyichiuaj Dios uan tikpaleuiaj taltikpaknenkej. Yejua ika, keman okachi titanojnotsaskej okachi tiyolpakiskej uan okachi kuali titamachtiskej, tein techpaleuia maj kuali timomachilikan uan maj amo timouikan. Uan no, okachi miakej ueli tikintapouiaj kuali tanauatilmej uan tikpeualtiaj nemachtilmej ika Biblia. Nochi nejon kichiua maj okachi tiyolpakikan itech tanojnotsalis.
3. ¿Keyej itech metsti marzo uan abril uelis tikchiuaskej tekit kemej precursor auxiliar?
3 Itech metsti marzo uan abril uelis tikchiuaskej tekit kemej precursor auxiliar porin uelis tikixpejpenaskej titemakaskej treinta oso cincuenta horas. Uan no, itech nejon tonalmej tikinyoleuaskej taltikpakneminij maj touan kielnamikikan imikilis Jesús. Nejin peuas itech tonal sábado 22 metsti marzo uan tamis lunes 14 metsti abril, tonal ijkuak tikelnamikiskej imikilis Jesús. Itech nochi nechikolmej mochiujtos tel miak tekit, miakej tanojnotsanij sentekititoskej uan ijkon itech okachi xolalmej kimoyauaskej tayoleualismej itech tonalmej tein ixyetok (Sof. 3:9).
4. ¿Toni mitsonpaleuis komo tikonneki tikonchiuas tekit kemej precursor auxiliar?
4 Xikonchiuaya tein mitsonpaleuis. Komo ayamo tikonnemiliani, xikonita tein tikonchiua mojmostaj uan toni mitsonpaleuis okachi xiontanojnotsa itech se oso okachi metsti. Xikontajtani inepaleuil Jiova (Sant. 1:5). Ika xiontajto iniuan mochankauan uan tokniuan itech nechikol (Prov. 15:22). Maski tikonpias se kokolis oso tiontekitis nochi tonalmej, xa no uelis tionyolpakis keman tikonchiuas tekit kemej precursor auxiliar.
5. ¿Toni tein kuali mochiuas ijkuak okachi titanojnotsaskej itech tonalmej keman tikelnamikiskej imikilis Jesús?
5 Jiova kineki maj itekitikauan yolpakikan (Sal. 32:11). Komo timochikauaj okachi titanojnotsaskej itech tonalmej keman tikelnamikiskej imikilis Jesús, amo sayoj okachi tiyolpakiskej, ta no tikyolpaktiskej toTajtsin Jiova (Prov. 23:24; 27:11).