Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia diciembre

“Tikintajtanijtokej akin nikauin nemij toni kiuelitaskiaj maj kinexti akin kinixyekana oksekin. ¿Toni tikonita ke motelneki maj kinexti? [Xikonkaua maj tanankili.] ¿Tikonmatia ke Biblia kijtoua toni tein kuali kinextia akin kiixtalijkej maj taixyekana nikan taltikpak? Maj tikitakan keyej sayoj yejua kuali taixyekanas nikan taltikpak.” Xikonnextili tamachtilis tein moajsi itamiampa amaix Tanejmachtijkej noviembre-diciembre, xiksenitakan tamachtilis tein kiualkui itech ojpatika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian uelis tikonsentokas iuan tiontajtos ika nejon.

Tanejmachtijkej Noviembre-diciembre

“Itech nejin tonalmej, miakej kielnamikij tein kichiuak Jesús, kemej tein kichiuak ika ichikaualis Dios uan kemej monejnemiltij. Sayoj ke ¿tikonmati toni okachi kitayekanaltij? [Xikonkaua maj tanankili.] Xikonita tein kijtoua Biblia [xikonixtajtolti Lucas 4:43]. Nejin amaix kinextia tein Biblia kijtoua ika iTekiuajyo Dios uan nochi tein kualtsin tein nejin taixyekanalis kiualkuis nikan taltikpak.”

¡Despertad! Diciembre

“Titajtojtokej ika se kokolis tein kintekipachoua miakej. Organización Mundial de la Salud kijtoua ke itech naui taltikpakneminij, se tajyouis ika se taman kokolis itech itsontekon seki tonalmej itech inemilis, kemej tein kichiua maj semi motayokolti. ¿Tikonnemilia ke nejin kokolismej okachi moita axkan? [Xikonkaua maj tanankili.] ITajtol Dios kijtoua ke amo uejkaua amo onkasok kokolismej uan nion teyi techtajyouiltis. [Xikonixtajtolti Apocalipsis 21:3, 4.] Nejin amaix kimelaua seki taman tein moneki tikmatiskej ika seki taman kokolis.”