TONEMILIS KEMEJ ITATOJTOKAKAUAN CRISTO

Se ueyi tatiochiualis tikchijchiuaskej uan tikyekpiaskej kalmej kampa timosentiliaj

Maski keman kichijchiujkej templo ompa Israel monekik miak chikaujkayot uan tomin, israelitas tapaleuijkej ika nochi ininyolo (1Cr 29:2-9; 2Cr 6:7, 8). Satepan, tein kichiuayaj israelitas tein ika kiyekpiayaj templo kinextiaya keniuj moajsia inintakuaujtamatilis (2Re 22:3-6; 2Cr 28:24; 29:3). Axkan, akin tikchiuaj kemej Cristo semi timochikauaj uan tikpanouaj miak tiempo tikinchijchiuaj, tikinchipauaj uan tikinyekpiaj Kalmej kampa tiMosentiliaj uan Kali kampa mochiua Uejueyi Nechikolmej. Ika nochi nejon no tikueyichiuaj Jiova. Se ueyi tatiochiualis titekitiskej iuan yejuatsin itech nochi nejin taman (Sl 127:1; Ap 7:15).

¿KENIUJ UELIS TITAPALEUISKEJ?

Moneki tikitaskej maj nochi tayekyeto satepan ke tamis sejse nechikol. Komo amo tiuelij, maj tikitakan maj mokaua tachipaujkan uan maj tayekyeto kampa timotalijkej.
Semi moneki maj se tapaleui kemej moixtalij motachipauas uan moyekpias Kali kampa tiMosentiliaj. Komo miakej tapaleuiaj okachi amo teouijmaka se kichiuas tekit uan mochiua ika miak yolpakilis (lv pág. 92 párr. 18).
Uelis tiktemakaskej tomin kemej netetayokolil. Jiova kitasojkamati tein tiktemakaj ika nochi toyolo, maski amo miak (Mr 12:41-44).
Komo tiuelij, maj titapaleuitij kampa monekis mochijchiuaskej uan moyekchijchiuaskej kalmej kampa moueyichiua Jiova. Uelis titapaleuiskej maski amo tikmatiskej tikalchijchiuaskej.