Se nechialis tein semi techyolpaktia

Nechialis kemej yeskia se ancla tein kitsakuilia se barco (Heb 6:19). Techpaleuia maj tiksentokakan tiktekitilikan Dios maski tikpanoskej ouijkayomej tein tamatij kemej chikauak kiouaejekat (1Ti 1:18, 19). Nejon uelis yeski keman amo mochiua tein tikchiaj, tikpolouaj tein tikpiaj, se ueyi kokolis, ijkuak momikilia se akin tiktasojtaj oso okse taman tein uelis kichiuas maj tikauakan Jiova.

Takuaujtamatilis uan nechialis techpaleuiaj maj tikyekitakan tatiochiualismej tein Dios motenkaua techmakas (2Co 4:16-18; Heb 11:13, 26, 27). Yejua ika, moneki titanemiliskej itech tatiochiualismej tein Biblia kijtoua ke tikseliskej, ijkon tikchikauaskej tonechialis, yeski tikchiaskej tinemiskej ompa iluikak oso nikan taltikpak. Ijkon keman tikpanotoskej tayejyekolismej, amo tikpoloskej yolpakilis tein tikpiaj (1Pe 1:6, 7).

SATEPAN KE MOITAS VIDEO “MAJ TIYOLPAKIKAN IKA TEIN KUALI TEIN TIKCHIAJ”, XIKNANKILIKAN NEJIN NETAJTANILMEJ:

• ¿Keyej Moisés techkauilij se kuali neskayot?

• ¿Toni moneki kichiuaskej akin kinixyekanaj ininkalyetouanij?

• ¿Toni uelis nanmomachtiskej keman nantaueyichiuaj kemej kalyetouanij?

• ¿Keniuj uelis nechialis techpaleuis maj tikixnamikikan tayejyekolismej ika takuaujtamatilis?

• ¿Toni okachi tikonchia maj mochiua?