2023: Maj tikchiakan tein kuali | ¿Toni kijtoua Biblia?

Axkan ke peua xiuit 2023, tinochin tiknekij maj kuali techyoui uan maj tochankauan kuali yetokan. ¿Keyej uelis tikchiaskej tein kuali?

Biblia kijtoua ke uelis tikchiaskej tein kuali

Itech Biblia, tikajsij kuali tanauatilmej. Kijtoua ke kuejmolmej tein axkan tikpiaj amo uejkauaskej uan ke ixpoliuiskej. Uan no kijtoua ke nochi tein ijkuiliujtok itech Biblia “moijkuiloj para techmachtis. Uan tikchiaj tein kuali porin itajtol Dios techyolseuia” (Romanos 15:4).

• Komo tikonneki tikonmatis okachi tein Biblia kijtoua ke mochiuas, xikonlero tamachtilis “La esperanza real de un mañana mejor”.

Tein kuali tein tikchiaj uelis techpaleuis itech nejin tonalmej

Biblia kijtoua ke tein kuali tein tikchiaj “techpaleuia itech tonemilis kemej se tepos tein ika motsikoua barco” (Hebreos 6:19). Tein tikchiaj techpaleuia maj tikxikokan ouijkayomej tein tikpanouaj, maj tikitakan ke nochi kuali kisas uan maj yekmelauj tiyolpakikan. Xikonita keniuj uelis techpaleuis:

• Xikonita keniuj kichias tein kuali, kipaleuij se takat akin amo uelia kikauaya tayil tein teuintij. Xikonita video “Niktauelitak nemilis tein nikpiaya”.

• Xikonita keniuj tikchiaskej tein kuali, techpaleuia keman momikilia se akin tiktasojta. Xikonita video Tein uelis techyolseuis keman momikilia akin tiktasojtaj.

Okachi xikonneltoka itech tein tikonchia

Miakej kineltokaj ke nochi motayektalis, sayoj ke amo kiyekmatij ox yekmelauj ijkon mochiuas. Ika tein kijtoua Biblia amo ijkon panoua. ¿Keyej? Porin akin kichiuak maj moijkuiloj yejua Jehová,a Dios akin “amo ueli takajkayaua” (Tito 1:2). Yejua kipia chikaualis para kichiuas tein kijtouani, sayoj yejua “kichiua nochi tein kiyolpaktia kichiuas” (Salmo 135:5, 6).

Tejuatsin uelis tikonneltokas ke yekmelauj mochiuas tein Biblia kijtoua. Timitsonyoleuaj xikonyektemo itech Tajkuilolamatsin para okachi tikonneltokas (Hechos 17:11). ¿Tikonuelitaskia tionmomachtis Biblia tein amo se kiixtaua? ¡Axkan ke yekin peujtok 2023, xikonneltoka ke uelis tikonchias tein kuali!