TAMACHTILIS 02

Biblia kijtoua ke uelis tikchiaskej tein kuali

Tein moamakixtia

Noyampa taltikpak onkak kuejmolmej tein miakej semi kintekipachoua, kintayokoltia uan kinyolkokoua. ¿No ijkon mitsonpanoua? Xa tiontajyouijtok porin tionmokokoua oso porin momikilij se akin tikontasojta, uan hasta tikonneki tikonmatis ox ejkos tonal keman kuali tinemiskej. Semi techyolchikaua tein Biblia techmelauilia.

1. ¿Toni kijtoua Biblia ke uelis tikchiaskej?

Biblia kimelaua keyej noyampa taltikpak mochiua tein amo kuali. Uan no, techiluia ke amo uejkaua tamis nejin ouijkayomej. Nejin tein Biblia kijtoua ke mochiuas mitsonpaleuis xikonchia tein kuali (xikonita Jeremías 29:11, 12). Tein Dios kijtoua ke kichiuas techpaleuia maj tiyolpakikan uan maj tikxikokan tein axkan tikpanouaj, no kinextia ke uelis tiyolpakiskej nochipaya.

2. ¿Keniuj Biblia kijtoua ke tinemiskej satepan?

Biblia kijtoua ke amo uejkaua “amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok” (xikonita Apocalipsis 21:4). Amo titajyouiskej porin amo tatasojtisok, amo akin techchiuilisok tein amo kuali, amo akin kokolispeuas nion momikilis. Biblia kijtoua ke uelis tiyolpakiskej nochipaya nikan taltikpak keman yeski takualtsinkan.

3. ¿Toni mitsonpaleuis xikonneltoka tein Biblia kijtoua?

Maski miakej kichiaj kuali nemiskej, amo semi kineltokaj ke ijkon mochiuas. Sayoj ke, yekmelauj mochiuas tein Biblia kijtoua uan okachi tikneltokaskej komo kuali timomachtiaj “in Tajtoltsin de Dios” (Hechos 17:11). Komo tejuatsin ijkon tikonchiua, mitsonpaleuis moselti xikonita ke yekmelauj mochiuas tein Biblia kijtoua.

MAJ OKACHI TIMOMACHTIKAN

Maj tikitakan seki taman tein Biblia kijtoua ke mochiuas satepan uan keniuj semi miakej kinpaleuijtok.

Taixkopimej: kemej axkan tinemij uan kemej Biblia kijtoua ke tinemiskej amo uejkaua. Nejin taixkopimej no nesij tani.

4. Biblia kijtoua ke tinemiskej nochipaya uan amo titajyouiskejok

Maj tikitakan seki taman tein Biblia kijtoua ke mochiuas. ¿Toni okachi tikonuelitaskia maj mochiua? ¿Keyej tikonuelitaskia nejon?

Xikitakan textos uan ika xitajtokan nejin:

¿Techyolchikauaj nejin textos? ¿Tikonnemilia ke no kinyolchikauas mochankauan oso akin kuali iniuan tionmouika?

Xikonnemili keniuj tionnemis keman:

AMO AKIN...	NOCHIN...
... tajyouis, moitas ke xiuejya nion momikilis (Isaías 25:8)	... kiitaskej keman ininchankauan oksepa nemiskej nikan taltikpak (Juan 5:28, 29)
... kokolispeuas nion kikokos teisa (Isaías 33:24; 35:5, 6)	... paktoskej uan mochiuaskej kemej telpochmej (Job 33:25)
... kichiuiliskej tein amo kuali (Isaías 32:16, 17)	... kipiaskej tein kikuaskej, se kualtsin kali kampa nemiskej uan se tekit tein kiuelitaskej (Salmo 72:16; Isaías 65:21, 22)
... tajyouis porin amo mochiuasok neteuilis (Salmo 46:9)	... kualtsin nemiskej (Salmo 37:11)
... kinemilis ke amo teyi chiujkej oso kielnamikis tein amo kuali tein kipanok (Isaías 65:17)	... nemiskej nochipaya kampa amo teyi kinpolos (Salmo 37:29)

Se okichpiltsin akin achto mokokouaya axkan paktok uan kinaua imomaj.

Se takat akin semi xiuejya, axkan telpochya uan kiuika tein kitekik ika se carretilla.

5. Keman tikmatij tein Biblia kijtoua ke mochiuas techpaleuia maj axkan kuali tinemikan

Kemej onkak miak kuejmolmej, miakej tayokoyaj oso hasta kualanij uan sekin kitemouaj keniuj kichiuaskej maj amo ijkon kisentokaok. Xikonita keniuj axkan miakej kinpaleuiani tein Biblia kijtoua ke mochiuas. Xikitakan VIDEO uan ika xitajtokan nejin:

VIDEO: Kitemouaya maj amo akin techikoita (4:07)

Taixkopimej tein nesij itech video Kitemouaya maj amo akin techikoita. 1. Rafika keman siuapil katka, kitektok ichkat iniuan akin ixtamatij kemej yejua. 2. Rafika keman yekinika yajki se ueyi nechikol tein kipiaj itaixpantijkauan Jiova. Yolpaki keman kiita ke nochin kuali mouikaj maski tataman kemej ixtamatij.

¿Toni kitemouaya Rafika maj amo mochiuaok?
Maski amo mochiuak tein kinekia, ¿keniuj kipaleuij Biblia?

Tein Biblia kijtoua ke mochiuas techpaleuia maj tiyolpakikan maski tikpiaskej ouijkayomej. Xikitakan Proverbios 17:22 uan Romanos 12:12 uan ika xitajtokan nejin:

¿Uelis mitsonpaleuis axkan tein Biblia kijtoua ke mochiuas? ¿Keyej ijkon tikonnemilia?

TEIN SEKIN KIJTOUAJ: “Kualtsin tein Biblia kijtoua ke mochiuas, sayoj ke ouij maj mochiua”.

Onkak miak taman tein kinextia ke yekmelauj mochiuas tein Biblia kijtoua, ¿tikonuelitaskia maj tikitakan? ¿Keniuj uelis mitsonpaleuis?

TEIN TIKITAKEJ

Biblia kijtoua ke kualtsin tinemiskej, nejon techpaleuia maj tiyolpakikan maski tikpiaskej ouijkayomej uan maj tikchiakan tein kuali.

Maj tikelnamikikan

¿Keyej moneki maj nochin kimatikan tein Dios kijtoua ke kichiuas?
¿Toni Biblia kijtoua ke mochiuas satepan?
¿Keniuj mitsonpaleuia xikonchia tein kuali?

Axkan tamik nejin tamachtilis:

Xikonixtali tikonchiuas nejin

Oksepa xikonlero nochi textos tein kipia nejin tamachtilis para amo tikonelkauas tein Dios kijtoua ke kichiuas.

No nikchiuas nejin:

NO XIKONITA NEJIN

Xikonita keniuj tikchiaskej tein kuali techpaleuia maj tikxikokan ouijkayomej.

“Esperanza: ¿dónde hallarla?” (¡Despertad!, 22 de abril de 2004)

Xikonita keniuj kichiaskej tein kuali kinpaleuia akin semi mokokouaj.

“¿Puede la Biblia ayudarnos a sobrellevar una enfermedad?” (Artículo de jw.org)

Keman tikonitas nejin video ika tatsotson, xikonnemili ke tionyetokya nikan taltikpak kampa takualtsinkan iniuan mochankauan kemej Biblia kijtoua ke mochiuas.

Nikitstokya tein mochiuas (3:37)

Xikonita keniuj se takat kipatak kemej nemia keman momachtij tein Biblia kijtoua ke mochiuas. Yejua kitemouaya maj amo mochiuaok seki taman.

“Ya no siento la necesidad de cambiar el mundo” (La Atalaya, 1 de julio de 2013)