¿Uelis tikchiaskej tein kuali itech xiuit 2024? | ¿Toni kijtoua Biblia?

Miakej kinemiliaj ke kemej itech nejin xiuit 2024 onkak miak ouijkayomej, amo uelis tikchiaskej maj motayektali. Sayoj ke se amatajkuilol techiluia ke kemaj motayektalis. ¿Toni nejon?

Biblia techiluia ke uelis tikchiaskej maj motayektali

Biblia techiluia ke Dios kimelauas kuejmolmej tein kichiua maj tiknemilikan ke amo keman kuali tietoskej. Kijtoua ke amo uejkaua, Dios “kinuachilis nochi ininixayo, uan amo akin momikilisok, nion tayokoyas nion chokas nion tajyouis” (Apocalipsis 21:4).

Para tikonmatis toni kijtoua Biblia ke mochiuas satepan, xikonlero tamachtilis “La esperanza real de un mañana mejor”.

Keniuj uelis mitsonpaleuis Biblia axkan

Nejon tein Biblia kijtoua ke motayektalis, uelis mitsonyolchikauas uan mitsonpaleuis amo sayoj xiontanemili itech ouijkayomej (Romanos 15:13). Uan tein tayolmajxitia Biblia, no uelis mitsonpaleuis xikonmati toni tikonchiuas komo axkan tionmokokoua, semi tatasojti oso tikonpanoua okse ouijkayot.

Xikonita keniuj se takat keman momachtij itech Biblia ke motayektalis, kipaleuij maj yolpaki uan maj yolseujto maski keman moskaltij kipanok tatasojtilis. Xikonita video Juan Pablo Zermeño: Amo nietokok noselti.
Xikonita keniuj Biblia uelis mitsonpaleuis keman teisa tionmotajtakoltis oso tiontayokoyas, tionmotekipachos oso keman momikilis se akin tikontasojta. Xikonlero tamachtilis “¿Uelis nechyolseuis Biblia?”.
Xikonita keniuj se akin achto katka soldado uan amo teikneliaya nion kichiaya maj se tonal kuali yeto, momachtij itech Biblia ke uelis kichias maj motayektali. Xikonita video “Cambié las armas por la Biblia”.

Nejin xiuit 2024 uelis yeski taman para tejuatsin uan mochankauan. Biblia uelis mitsonpaleuis xikonmati keniuj. Uelis timitsonmachtiskej ika Biblia para tikonmatis keniuj Dios uelis mitsonpaleuis xionyolseujto uan xikonchia tein kuali tein mochiuati (Jeremías 29:11).