Xikonpaleui oksekin maj okachi takuaujtamatikan iuan Jiova uan Jesús ika amatajkuilol Tiyolpakiskej nochipaya

Akin momachtijtokej Biblia moneki semi takuaujtamatiskej iuan Dios uan ijkon uelis kiyolpaktiskej (Heb 11:6). Ika amatajkuilol Tiyolpakiskej nochipaya uelis tikinpaleuiskej maj ijkon kichiuakan. Itech sejse tamachtilis kipia textos tein okachi tayekantokej, tamachtilismej tein kuali momelauaj, netajtanilmej tein kichiuaj maj se tanemili, kualtsitsin taixkopimej uan videos. Komo akin tikinmachtiaj tikinpaleuiaj maj kipiakan kualneskayomej uan maj kuali mouikakan iuan Dios, inintakuaujtamatilis mochikauas uan ijkon uelis kixikoskej tein yeski taman tein kipanoskej (1Co 3:12-15).

Sekin kinemiliaj ke amo uelis mouikaskej iuan Dios porin amo kiitaj. Yejua ika, moneki tikinpaleuiskej maj kiixmatikan Jiova uan maj iuan takuaujtamatikan.

SATEPAN KE TIKONITAS VIDEO XIKONPALEUI OKSEKIN MAJ OKACHI TAKUAUJTAMATIKAN IUAN JIOVA IKA AMATAJKUILOL “TIYOLPAKISKEJ NOCHIPAYA”, XIKONNANKILI NEJIN NETAJTANILMEJ:

• ¿Keniuj tikmatij ke tokniuj siuat kuali momachtij achto ke tamachtitiuj?

• Satepan ke kiixtajtoltijkej Isaías 41:10, 13, ¿toni kitajtanij tokniuj siuat akin kimachtijtoya tein kipaleuij maj kijtouani tein kinemiliaya?

• ¿Keniuj kipaleuij siuat akin momachtijtoya video uan tajkuilolmej itech Biblia?

Miakej amo kiajsikamatij toni kijtosneki maj Jesús toka momikiliani oso amo kiitaj kemej se netetayokolil tein Dios kinmakak (Gál 2:20). Yejua ika, moneki tikinpaleuiskej maj takuaujtamatikan itech inemilis Jesús tein kitemakak.

SATEPAN KE TIKONITAS VIDEO XIKONPALEUI OKSEKIN MAJ OKACHI TAKUAUJTAMATIKAN IUAN JESÚS IKA AMATAJKUILOL “TIYOLPAKISKEJ NOCHIPAYA”, XIKONNANKILI NEJIN NETAJTANILMEJ:

• ¿Keniuj tikmatij ke tokniuj takat kuali momachtij achto ke tamachtitiuj?

• ¿Keniuj tokniuj takat kipaleuij akin kimachtijtoya ika taxelol “No xikonita nejin”?

• ¿Keyej netataujtil semi kipaleuia akin tikmachtiaj?