¿Kemanian mochiuas ixpoliuilis? Tein kijtoj Jesús

XIONTANEMILI ITECH NEJIN OME TAMAN TEIN KIJTOJ JESÚS:

“Xiijsatokan uan xitatachixtokan porin amo nankimatiske katiyejua tonal nion katiyejua hora nimoualuikas” (MATEO 25:13).

“Ximoyekpiakan uan xiixpetantokan [...] porin amo nankimatij ton tonal” (MARCOS 13:33).

Yejua ika, amo akin itech taltikpak kiyekmati kemanian ixpoliuis tein amo kuali. Sayoj ke Dios kiixtalijya “tonal” uan hora keman ixpoliuis nochi tein amo kuali (Mateo 24:36). ¿Nejin kijtosneki ke amo uelis tikmatiskej ox mochiuatiya? ¡Uelis tikmatiskej! Jesús kiniluij itatitaniluan maj kiitanij seki taman tein mochiuaskia uan kinextiskia ke ixpoliuilis amo uejkaua mochiuaskia.

TEIN MOITASKIA

Nochi nejin tein mochiuaskia moitaskia “kuak tamis ya in taltikpak”. Jesús kijtoj: “Uan moteuiske se uan okse pueblojuani, uan in tagayot den se país [...] moteuiske se uan okse tagayot. Uan onkas [...] miak mayanti uan talolinilis; uan [...] mochiuas nouiyampa tech in senmanauak” (Mateo 24:3, 7). No kijtoj ke onkaskia “tetsaukakokolisti” (Lucas 21:11). ¿Tikonitani ke mochiujtok tein kijtoj Jesús?

Axkan miakej tajyouiaj porin mochiuaj uejueyi neteuilismej, onkak mayan, talolinilis uan tein techkokolispeualtia. Itech xiuit 2004, se chikauak talolinilis itech ueyiat Índico kichiuak maj at uejkapan moajkotamota uan momikilijkej kemej 225,000. Itech eyi xiujmej, ueyi kokolis COVID-19 kinmiktij panoua 6,9 millones itech nochi taltikpak. Jesús kijtoj ke nejin kinextiskia ke amo uejkaua ixpoliuiskia tein amo kuali.

“ITAMIAN TONALMEJ”

Biblia kijtoua ke achto ke mochiuaskia ixpoliuilis tinemiskiaj itech seki xiujmej tein moixmati kemej “itamian tonalmej” (2 Pedro 3:3, 4, TNM). Kemej kijtoua 2 Timoteo 3:1-5, itech itamian tonalmej miakej amo chipaujkanemiskiaj (xikonita recuadro “Tein mochiuas achto ke ixpoliuis tein amo kuali”). ¿Tikonita tejuatsin ke axkan sekin sayoj inintech tanemiliaj, tateuiaj, kiuelitaj tomin uan kintajyouiltiaj oksekin? Nejin no kinextia ke amo uejkaua ixpoliuis tein amo kuali.

¿Kanachi uejkauas itamian tonalmej? Biblia kijtoua ke amo uejkauas. Ompa, Dios kinixpolos “nekes ten taijtakojtinenke nikan taltikpak” (Apocalipsis 11:15-18; 12:12).

AMO UEJKAUA TALTIKPAK YESKI OKACHI TAKUALTSINKAN

Dios kiixtalijya tonal uan hora keman kiixpolos nochi tein amo kuali (Mateo 24:36). Uan no, Dios “amo kineki ma senme ixpoliuikan” (2 Pedro 3:9). Yejuatsin kineki maj tinochin tikixmatikan uan maj tiktakamatikan. ¿Keyej? Porin kineki maj timakisakan keman ixpoliuis tein amo kuali, uan maj tinemikan itech nejin taltikpak keman motayektalis uan okachi kuali yeski.

Dios kichiuani maj noyampa taltikpak nochin uelikan momachtikan Biblia. Ijkon uelis tikmatiskej tein moneki tikchiuaskej para tinemiskej keman itech nejin taltikpak motayektalis, uan taixyekanas iTekiuajyo. Jesús kijtoj ke kuali tanauatilmej ika iTekiuajyo Dios moteixmatiltiskia “tech nochi senmanauak” (Mateo 24:14). Itaixpantijkauan Jiova itech nochi taltikpak tamachtijkej uan tanojnotskej ika tein Biblia kijtoua ke mochiuas, miles de millones de horas. Jesús kijtoj ke motanojnotsaskia noyampa taltikpak achto ke ixpoliuiskia tein amo kuali.

Kemej tikitakej, tekiuanij itech taltikpak amo uejkaua ixpoliuiskej. Sayoj ke, uelis timakisaskej keman ixpoliuis tein amo kuali uan tinemiskej itech nejin taltikpak keman okachi takualtsinkan yeski, ijkon kemej Dios kijtoua ke kichiuas. Itech okse tamachtilis momelauas toni uelis tikchiuaskej para tinemiskej itech yankuik taltikpak.