1. ¿Techtajyouiltia Dios?

¿Keyej moneki tikmatiskej nejin?

Miakej amo motokiaj iuan Dios porin kinemiliaj ke techtajyouiltia.

Xikonnemili nejin:

Akin taixyekanaj itech miak taneltokalismej tamachtiaj ke Dios techtajyouiltia. Xikonita tein kijtouaj:

• Kijtouaj ke Dios techtatsakuiltia keman mochiuaj tetsaujmej.

• Kijtouaj ke keman momikilia se konet, Dios kinekia kipias okse ángel ompa iluikak.

• Kijtouaj ke Dios tapaleuia keman mochiua neteuilis.

Sayoj ke, ¿yekmelauj Dios ijkon kichiua, oso sayoj takajkayaujtokej? ¿Kiyolpaktia Dios tein tamachtiaj?

Tein tamachtia Biblia

Dios amo techtajyouiltia

Dios kichiua tein kuali uan yejua ika amo taixejekol maj techtajyouilti. Xikonita keniuj Biblia kijtoua tein Dios kichiua:

“Nochi iojuan melaujkej. [...] Yejuatsin yolmelauak.” (DEUTERONOMIO 32:4.)

“¡Amo ueli se kineltoka maj Dios akin melauak kichiua tein amo kuali, oso maj Akin kipia nochi chikaualis kichiua tein amo kuali!” (JOB 34:10.)

“Akin kipia nochi chikaualis nochipa kichiua tein melauak.” (JOB 34:12.)

Dios amo kinselia taneltokalismej kampa kitakajkayauiliaj

Dios amo kinselia kampa tamachtiaj ke yejuatsin techtajyouiltia. Amo no kinselia akin tapaleuiaj itech neteuilis.

“Tanauatianij nechtakajkayauilijtokej. Amo nejua nikintitanik, amo teyi nikinnauatij nion nikiniluij teisa. Amo melauak tein nanmechiluiaj [...] uan sayoj takajkayaujtokej.” (JEREMÍAS 14:14.)

Jesús kijtoj ke itech seki taneltokalismej takajkayauaskiaj

“Totajtsin Dios de eluiyaktsinko amo kinyolyekanas ika iueyichikaualis nochi ne ten nechnotsaske sayo ika nintenxipal san ke Nejuatsin ni Nintekotsin. Ta, sayo Dios kinyolyekana ika iueyichikaualis nekes ten kichiuaj keme Notajtsin Dios ipakilis ne eluiyaktsinko. Uan kuak ne tonal de tatsakuiltilis ejkos ya, ijkuakon miakke nechiliske ijkuin: ‘Notekotsin, Notekotsin, tejuan tiktanextiliayaj ika in chikaualis de motokaytsin. Uan no ika motokaytsin tikinkalankixtiayaj in amokuali ejekame. Uan ika motokay tikchiuayaj miakke uejueyi mouiskatekit’. Pero ijkuakon Nejuatsin nikinyekkilis ijkuin: ‘Amo keman namechixmatik; niman ximajchiuakan, namejuan nantachiuani ika ten amo kuali.’” (MATEO 7:21-23.)