3. ¿Keyej tajyouiaj akin kichiuaj tein kuali?
¿Keyej moneki tikmatiskej nejin?
Amo taixejekol maj tajyouikan akin kichiuaj tein kuali. Keman tikitaj ke tajyouiaj, xa tiknemiliaj ke nenkaj komo tikchiuaj tein kuali.
Xikonnemili nejin:
Sekin kinemiliaj ke satepan ke timomikiliaj, miakpa tiyolij. Kijtouaj ke komo axkan tikchiuaj tein kuali, kualtsin tinemiskej keman oksepa tiyoliskej. No kijtouaj ke komo axkan tikchiuaj tein amo kuali, satepan tikpanoskej miak ouijkayomej. Yejuan kineltokaj ke axkan titajyouiaj porin achto tikchiujkaj tein amo kuali. Sayoj ke, xionmonemili:
Komo achto ipa tinemiajya uan tikchiujkej tein amo kuali, ¿taixejekol yeskia maj axkan titajyouikan maski nion tikelnamikij tein tikchiujkej?
Komo tikmatiskiajya ke techpanoti tein amo kuali porin achto tikchiujkaj seki taman, ¿taixejekol yeskia maj axkan timoyekpiakan?
XIKONTEMO OKACHI
Itech jw.org, xikonita video ¿Keyej Dios kikaua maj onka tajyouilis?
Tein tamachtia Biblia
Dios amo techtatsakuiltia ika tajyouilis
Kemansa titajyouiaj porin kampa timoajsij xa mochiuak teisa tein amo tikmattoyaj.
“Akin kuali motalouaj amo nochipa tatanij, nion nochipa tatanij itech neteuilis akin semi chikaujkej, nion tamatinij nochipa kipiaj tomin, nion nochipa kuali yetokej akin semi taixmatij, porin ejko tonal keman nochin kinpanoua tein amo kuali uan tein amo kichiayaj.” (ECLESIASTÉS 9:11.)
Titajyouiaj porin keman tiyolij ipa tikpiajya tajtakol
Nochin kijtouaj ke tajtakol yejua keman tikchiuaj tein amo kuali. Sayoj ke Biblia no kijtoua ke tinochin tikpiaj tajtakol maski tikchiuaskej tein kuali oso tein amo kuali porin Adán uan Eva techpanoltilijkej.
“Xikita, keman niyolik nikpiayaya tein amo kuali, uan nikpiayaya tajtakol keman niyetoya iijtik nomaj.” (SALMO 51:5.)
Kemej titajtakolejkej techpanoua tein amo kuali
Kemej titajtakolejkej kichiua maj amo timouikakanok iuan Akin techchijchiuak, uan no kichiua maj amo kuali timouikakanok iniuan oksekin oso maj amo kuali tikuikan okseki taman tein Dios kichijchiuak. Yejua ika, tinochin semi titajyouiaj.
“Kuak nikneki nikchiuas ne tachiualis ten kuali, ijkuakon nimoyolajxilia ke in tajtakol momautok ya tech notalnamikilis.” (ROMANOS 7:21.)
“Nochi ten Dios itachijchiu; nochi yejuan tajyouijtiuitse ika ueyi toneukayot.” (ROMANOS 8:22.)