Jiova tech maka se Temakixtijkej

29 Yekinika espiritu tein Dios kichijchiuj katka kemej se itayekankapili.

Dios kiteltasojta uan kichiuati maj kinixpolo taltikpakuanij tein amo yolkualmej uan maj kinimakixti tein tatakamatij (Juan 3:16, 36).

30 Jiova kiualtitanik iKonetsin nikan Taltikpak maj nemiki. Motokaytij Jesus. Imoma motokaytij Maria (Lucas 1:30-35).

31 Ijkuak Jesus moskaltij, tamachtij miak tachiualismej tein kuali. Tamachtij ke Jiova yejua Dios melauak (Marcos 12:29, 30).

Jesus kijtoj ke sayoj Jiova kipia ke tikueyichiuaskej (Mateo 4:10; Juan 4:23, 24).

No kinimachtij taltikpakuanij den itekiuajyo Jiova (Lucas 17:20, 21).

32 Jesus kininpajtij kokoyanij uan kichiuj tachiualismej tein kuali. Amo kichiuj tein kan kuali (Hechos 10:38; 1 Pedro 2:21, 22).

¿Keniuj tech makixtiskia den tajtakol uan mikilis?

33 Kipia ke kimakak se taxtauil Dios uan ijkon kinimakixtij tein yolkualmej. Ne uejkauj, Dios kiniluij taltikpakuanij maj kinimiktikan tapialmej uan ijkon Yej kintapojpoluiskia imin tajtakoluan (Hebreos 7:25, 27).

34 Jesus amo taxtauj ika tapialmej. Yejua motemakak maj kimiktikan uan ijkon tech taxtauilij (Mateo 20:28; Hebreos 10:12).

¿Tikmati tejuatsin keyej?