Tamachtilis 11

Taneltokalismej uan uejkaujtalnamikilismej tein amo kiyolpaktia Dios

¿Kemej toni taneltokalismej uan uejkaujtalnamikilismej amo kuali yetok? (1)

Tein kichiuaj kemej Cristo, ¿kuali maj kineltokakan ika Dios se Trinidad? (2)

Tein yekmelauj kichiuaj kemej Cristo, ¿keyej amo kichiuaj Navidad, Semana Santa, uan niono keman aksa xiuajsi? (3, 4)

¿Uelij mikemej kinijtakouaj tein yoltokej? (5) ¿Momikilij Jesús itech se kolotsin? (6) ¿Motelneki xikyolpakti Dios? (7)

1. Amo nochin taneltokalismej uan uejkaujtalnamikilismej amo kuali. Sayoj ika Dios amo kiyolpaktia tein ualeujtokej itech taneltokalismej tein amo melauak oso kikejkepaj tamachtilis tein moajsi itech Biblia (Mateo 15:6).

2. Trinidad: ¿Se Trinidad Jiova, tein kijtosneki, eyin itech sayoj se Dios? Amo. Jiova, tein tePopaj, “Yejuatsin setsin san” (Marcos 12:29; Juan 17:3). ItayekankaKoneuj Dios yejua Jesús, uan kitakamati (1 Corintios 11:3). TePopaj okachi ueyi chiujkej, amo ijkuitik teKoneuj (Juan 14:28). Yektikatsin espíritu amo kemej Dios, ta ichikaualis tein tekititok (Génesis 1:2; Hechos 2:18).

3. Navidad uan Semana Santa: Jesús amo nemik itech diciembre 25, ta nemik kemej octubre 1, itech nejon tonalmej sekin tajpianij kintakualtijtinemiaj imin ichkauan itech ixtauat (Lucas 2:8-12). Jesús amo keman kininauatij tein kichiujkej kemej yej maj kiluichiuiliskiaj keman nemik. Tein kemaj kiniluij maj kielnamikiskiaj imikilis (Lucas 22:19, 20). Navidad uan iuejkaujtalnamikilisuan, ualeujtokej itech taneltokalismej tein amo melauak tein onkayaj ne uejkauj. No ijkon ika uejkaujtalnamikilismej tein kichiuaj itech Semana Santa keman kitamalakacholtiaj Jesús ika ikolotsin uan amo kikuaj nakat. Tein kichiujkej kemej Cristo ne uejkauj amo iluichiuayaj itech Navidad niono itech Semana Santa, axkan tonalmej tein yekmelauj kichiuaj kemej Cristo amo no iluichiuaj itech nejon tonalmej.

4. Keman aksa xiuajsi: Itech Biblia sayoj ojpa moajsi keman ome takamej tein amo kiueyichiuayaj Jiova iluichiujkej keman xiuajsikej (Génesis 40:20-22; Marcos 6:21, 22, 24-27). Tein kichiujkej kemej Cristo ne uejkauj amo iluichiuayaj keman xiuajsiaj. Nejin uejkaujtalnamikilis ualeujtok itech taneltokalismej tein amo melauak tein onkayaj ne uejkauj. Tein yekmelauj kichiuaj kemej Cristo no motayokoliaj teisa uan mosenixpetaniaj keman yeski.

5. Tikinimouiliskej mikemej: Mikemej amo uelij kichiuaj nionteyi niono kimachiliaj teisa. Tejuan amo tiuelij tikinpaleuiaj, uan yejuan amo no uelij techijtakouaj (Salmo 146:4; Eclesiastés 9:5, 10, NM). Keman se taltikpaknenkej miki amo tej mokaua yoltok. Sayoj ika iksa ángeles tein tel amo yolkualmej tein motokaytiaj amokuali ejekamej, mochiuaj kemej mikemej imin espíritus. Nochin uejkaujtalnamikilismej, kemej tikinimouiliskej oso tikiniueyichiuaskej mikemej amo kuali (Isaías 8:19).

6. Kolotsin: Jesús amo momikilij itech se kolotsin, ta itech se kuouit melatstik. Itech tajtol griego yetok se tajtol tein kijtosneki kuouit melatstik, sayoj ika itech miak Biblias ijkuiliujtok “kolotsin”. Tein kijtosneki kolotsin ualeujtok itech taneltokalismej tein amo melauak tein onkayaj ne uejkauj. Tein kichiujkej kemej Cristo ne uejkauj amo kikuiaj niono kiueyichiuayaj. Yejika, ¿timoluia ika kuali maj se kikui kolotsin itech taueyichiualis? (Deuteronomio 7:26; 1 Corintios 10:14).

7. Acha semi ouij tikauas seki taneltokalismej oso uejkaujtalnamikilismej. Acha yetoskej mochankauan oso motasojikniuan tein mitsyolkejkepaskej amo xikpata motaneltokalisuan. Sayoj ika okachi motelneki maj tikyolpaktikan Dios uan amo maj tikyolpaktikan se taltikpaknenkej (Proverbios 29:25; Mateo 10:36, 37).

[Tajtolmej itech página 22]

Dios amo se Trinidad

[Tajtolmej itech página 23]

Navidad ualeujtok itech taneltokalismej tein amo melauak tein onkayaj ne uejkauj

Amo onkak keyej tikiniueyichiuaskej oso tikinimouiliskej mikemej