TAMACHTILIS 15

Xikonnexti ke tikonneltoka tein tiontamachtia

1 Tesalonicenses 1:5

TEIN MONEKI TIKONCHIUAS: Xikonnexti ke senkis tikonneltoka tein tikonijtojtok uan ke motelneki maj kikakikan.

Kuali xionmomachti. Xionmomachti hasta tikonajsikamatis tanemililmej tein tayekantokej uan keniuj Biblia kinpaleuia. Xionmochikaua tikonmelauas tanemililmej ika amo miak tajtolmej uan kemej amo ouij moajsikamatis. Xikonnemili keniuj kinpaleuis nejon tamachtilis akin mitsonkakij. Xikontajtani Jiova maj mitsonpaleui ika iyektikatsin espíritu.

Xionmomamachti ika tajtol chikauak, nejon mitsonpaleuis okachi xikonelnamiki tanemililmej uan okachi kuali xiontamachti.
Xikonkui tajtolmej tein kinextiskej ke senkis tikonneltoka tamachtilis. Amo xikonijto sayoj tein ijkuiliujtok, ta xikonmelaua ika motajtoluan. Xikonkui tajtolmej tein kinextiskej ke senkis tikonneltoka tein tikonijtojtok.
Xikonijto tein yekmelauj tikonmachilia. Xiontajto kemej nochin kuali kikakiskej. Komo kuali moita, xikonixita akin mitsonkaktokej.

Se tajtos kemej se kinextis ke se kineltoka tamachtilis amo kijtosneki se tachikaujkauis maj kiselikan tein titamachtiaj oso se moueyinekis. Xikonnexti ke tikonneltoka tein tiontamachtia, sayoj ke xikonchiua ika netasojtalis.