OKSEPA XIKINKALPANO
TAMACHTILIS 7
Maj tiksentokakan tikintemokan
Tein Biblia kijtoua: “Uan amo motsakuiliayaj, ta [...] kisentokayaj tamachtiayaj uan kiteixmatiltiayaj kuali tanauatilmej” (Hech. 5:42).
Tein Pablo kichiuak
1. Xikonita VIDEO oso xikonlero Hechos 19:8-10. Ompa xiontanemili itech nejin netajtanilmej:
1). Maski sekin amo kikakkej, ¿keniuj tikmatij ke Pablo kisentokak tanojnotsak?
2). ¿Sayoj sepa kinnojnotsaya Pablo akin kuali kikakiaj, uan kanachi tiempo kichiuak?
¿Toni techmachtia tein kichiuak Pablo?
2. Komo tiknekij tikinmachtiskej ika Biblia akin kuali techkakkej, moneki tiempo uan maj timochikauakan timokepaskej.
Xikonchiua kemej Pablo
3. Xikonkalpano keman yejua uelis. Xionmotajtani: “¿Kemanian uelis tajtos nouan? ¿Uan kani kiuelitaskia maj timonojnotsakan?”. Oksepa xikonkalpano akin kuali mitsonkakik, maski mitsonouijkisas.
4. Xikontajtani kemanian uelis oksepa namonojnotsaskej. Achto ke tionyas xikontajtani kemanian uan toni hora uelis oksepa tikonkalpanos uan xionmokepa ijkon kemej tionmotenkauak.
5. Xikonsentoka xikonkalpano. Amo xikonnemili ke aksa amo kineki momachtis Biblia, sayoj porin amo tikonajsi oso kipia miak tekit (1 Cor. 13:4, 7). Xikonsentoka xikontemo tikonnojnotsas akin kuali mitsonkakik, sayoj ke kuali xikonkui motiempo (1 Cor. 9:26).