¿Keyej moneki tikitaskej ox kiselia Dios taneltokalis tein tikpiaj?

Xionmonemili ke tikonpia se ueyi kokolis uan itech tapajtiloyan moneki mitsontekiskej. Tikyekmatij ke tikontemoskia se kuali tapajtijkej akin senkis uelis itech tiontakuaujtamatis, porin yejua uelis kichiuas xikonsentoka xionnemi. No semi kuali komo achto tikontemoua ox kuali tapajtiani.

Itech taneltokalis no ijkon panoua: moneki tikitaskej ox kiselia Dios taneltokalis tein tikpiaj. Komo tejuatsin tionyetok itech se taneltokalis, uelis tikijtoskej ke tikonchia maj mitsonpaleui kuali xionmoajsi iixpan Dios uan maj mitsonualkuili nemakixtilis.

Jesús kijtoj se neskayot tein techpaleuis maj tikitakan ox tein mochiua itech taneltokalis mouika iuan tein kijtoua Biblia: “Cada se [kuouit] moixmati ika itakilouan” (Lucas 6:44). Kemej neskayot, xiontanemili itech se taneltokalis uan xionmotajtani toni ‘takilot’ kitemaka. ¿Kitayekanaltiaj tomin akin ompa taixyekanaj? ¿Akin ompa pouij amo tateuitij uan chipaujkanemij ijkon kemej kijtoua Biblia? Keman tikonitas nejin, ¿tikonnemilia ke onkak se taneltokalis tein itech uelis se takuaujtamatis? Maj tikitakan.