¿Nimochiuas se kuali tapaleuijkej?
1. ¿Toni tein kuali tikseliaj keman titanojnotsatij tiojomen?
1 Se tonal, Jesús kintitanik 70 imomachtijkauan maj tanojnotsatij “ojome[n]” (Luc. 10:1). Senkis tikneltokaj ke nejon kinpaleuij maj moyolchikauakan uan maj mopaleuikan itech tanojnotsalis. Keman tejuan titanojnotsatij iuan okse, ¿keniuj uelis tikpaleuiskej?
2. Keman akin iuan titekitij tajtojtok, ¿keniuj tiknextiaj ke kuali tikakij uan keyej moneki tikchiuaskej?
2 Maj kuali titakakikan. Maj kuali tikakikan akin iuan titekitij keman yejua tanojnotsa (Sant. 1:19). Komo yejua kiixtajtoltiti se texto, maj no tikitakan itech toBiblia. Maj tikixitakan keman tajtoua akin iuan titekitij oso akin tiknojnotsaj. Komo tejuan tikakij tein moijtoua, akin tiknojnotsaj no ijkon kichiuas.
3. ¿Kemanian kitasojkamatis akin iuan titekitij maj timokalakikan itech tanojnotsalis?
3 Tikmatiskej kemanian titajtoskej. Keman tanojnotsa akin iuan titekitij, tiknextiaj ke tikpoujkaitaj komo tikauaj maj yejua tajto (Rom. 12:10). Tein kijtosneki, maj amo tiktajtolpanouikan. Sayoj uelis tikpaleuiskej komo amo kimatiok toni kijtos, oso techtajtania maj tejuan titanankilikan keman akin tiknojnotsaj kijtoua teisa tein ika taixnamiki oso kichiua se netajtanil. Sayoj ke maj amo titajtokan ika okse taman, ta tein tikijtoskej moneki maj mouika iuan tein motajtojtok (Pro. 16:23; Ecl. 3:1, 7). Ijkon, okachi kipias chikaualis itamachtilis akin iuan titekitij (1 Cor. 14:8).
4. ¿Toni techpaleuis maj kuali timomachilikan uan maj tiyolpakikan itech tanojnotsalis?
4 Keman 70 imomachtijkauan Jesús tein ojomen yayaj matankej imin tanojnotsalis, “mokuepkej [...] ika ueyi pakilis” (Luc. 10:17). Tejuan no kuali timomachiliskej uan tiyolpakiskej itech tanojnotsalis, komo timochiuaj kuali titapaleuianij, kuali titakakij uan titajtouaj keman moneki.