Moneki tiktayekanaltiskej tanojnotsalis
1. ¿Keniuj kinextij Jesús ke kitayekanaltiaya tanojnotsalis?
1 Jesús kitayekanaltiaya tanojnotsalis. Uejuejka ojtokak itech nochi Palestina uan kintapouito iTajtol Dios nochin taltikpakneminij tein uelik. Yejika amo kisentiliaya miak taman, ta kimatia ke ijkon senkis ueliskia kichiuaskia itekiyo Dios (Mat. 8:20). Uan no, keman taltikpakneminij kinekiaj maj mokauaok uan maj kinpajti akin mokokouayaj, kiniluij: “No moneki nitetapouitiuj itech okseki altepemej nejin kuali tanauatilmej ika itekiuajyo Dios, porin yejua ika nechualtitankej” (Luc. 4:43, NM).
2. ¿Keyej kitayekanaltiaya Jesús tanojnotsalis?
2 ¿Keyej kitayekanaltiaya Jesús tanojnotsalis? Yekinika porin kinekia kiueyitalis itokay Dios (Mat. 6:9). Uan no, porin kitasojtaya Dios uan yejika kinekia kichiuas itanejnekilis uan kitakamatis nochi itanauatiluan (Juan 14:31). Uan okse taman, porin yekmelauj iminka motekipachouaya taltikpakneminij uan kinekia kinpaleuis (Mat. 9:36, 37).
3. ¿Keniuj uelis tiknextiskej ke tiktayekanaltiaj tanojnotsalis?
3 Maj tikchiuakan kemej Jesús. Xa tikmachiliaj ke semi ouij tiktayekanaltiskej tanojnotsalis kemej Jesús kichiuak, porin onkak miak taman tein techkuilia totiempo uan taltikpakneminij kinextiaj miak taman tein uelis techpojpolos (Mat. 24:37-39; Luc. 21:34). Yejika, moneki tikitaskej toni okachi tayekantok, tikxeloskej tiempo uan ijkon uelis timomachtiskej tein tikijtoskej itech tanojnotsalis uan titeuantiskej nochi tein uelis (Fili. 1:10). No moneki maj amo tiksentilikan miak taman itech tonemilis uan maj amo senkis tikuikan tein onkak nikan taltikpak (1 Cor. 7:31).
4. ¿Keyej moneki tikmatiskej toni yekmelauj tayekantok axkan?
4 Akin kipia tamatilis kimati toni moneki kitayekanaltis keman kimati ke amo uejkaua mochiuati teisa tein uelis taijtakos. Se neskayot, komo ualati se kiouaejekat, yejua achto kichiuaskia tein tapaleuis maj momakixtikan ichankauan uan kinnejmachtis oksekin. Tein amo semi tayekantok uelis kichiuas satepan. Amo uejkaua, ualas Armagedón tein tamati kemej se kiouaejekat (Sof. 1:14-16; 1 Cor. 7:29). Yejika, komo tiknekij timomakixtiskej tejuan uan akin techkakij, moneki tiksentokaskej tikitaskej keniuj timonejnemiltiaj uan keniuj titamachtiaj itech nechikol uan kampa yeski (1 Tim. 4:16). Kemaj, timomakixtiskej sayoj komo tiksentokaj tiktayekanaltiaj tanojnotsalis.