¿Tikonkui tein kiualkui iikan amaix?
Keman taltikpakneminij kikuij se revista, miakej achto kiitaj iixko amaix uan ompa kiixkepaj uan kiitaj iikan. Uan iikan La Atalaya tein tikmoyauaj itech tanojnotsalis, kiualkui seki netajtanilmej uan tajtolmej tein teolinia maj se kineki se kimatis okachi, uan no ixnesi itech toni páginas uelis tikajsiskej tamachtilis.
Uelis ompa tikixtiskej netajtanilmej tein ika tipeuaskej titajtoskej. Komo kampa titanojnotsaj moteltekitikya, uelis tikpataskej tein ika titajtouaj uan tikuiskej tataman netajtanilmej itech nochi metsti. Komo se akin tiktajpalouaj tekititok, uelis sayoj tiknextiliskej semej netajtanilmej tein kiualkui iikan revista uan tikiluiskej: “Komo tikonuelitaskia tikonmatis tanankilil, uelis nimitsonkauilis nejin amaixmej uan titajtoskej okse tonal keman tionuelis”. Sekin tanojnotsanij kinextiliaj taltikpaknenkej iikan amaix, uan kiiluiaj maj kiixpejpena netajtanil tein kineki kimatis. Ompa, kinextiliaj kani moajsi tanankilil uan kiixtajtoltiliaj se texto tein kiixpejpenkej. Xa tejuatsin tikonnemilia okse taman keniuj uelis tikuiskej iikan amaix tein ika uelis tikinpaleuiskej maj kinekikan kiixtajtoltiskej La Atalaya.