La Biblia: el poder que ejerce en su vida

Biblia kinpaleuijtok miakej millones taltikpakneminij maj kipatakan imin nemilis. ¿Katiyejua seki principios bíblicos uelis techpaleuis maj tikixnamikikan kuejmolmej tein tikpiaj axkan? Uelis tikonajsis tanankilil komo tikonita La Biblia: el poder que ejerce en su vida. Nejin yejua ojpatika video tein kipia DVD La Biblia: libro de hechos y profecías. Satepan ke tikonitas video, xikonnankili nejin netajtanilmej:

1) ¿Keyej uelis tikijtoskej ke Biblia amo sayoj se tel kuali amaix? (Heb. 4:12.) 2) Komo Biblia ueli kinpaleuia taltikpakneminij maj kipatakan imin nemilis, ¿keyej kipiaj miak kuejmolmej? 3) ¿Katiyejua tema moita itech nochi Biblia? 4) ¿Katiyejua textos bíblicos tein moijtoj itech nejin video uelis kinpaleuis namikuanij 1) maj okachi kuali monojnotsakan uan 2) maj kitsakuilikan imin kualanyo? 5) ¿Keniuj komo namikuanij kiitaj nenamiktilis kemej Dios kiita kinpaleuia kalyetouanij maj okachi yolpakikan? (Efe. 5:28, 29.) 6) ¿Toni tel kuali neskayot kinkauilia Jiova tetatmej? (Mar. 1:9-11.) 7) ¿Toni uelis kichiuaskej tetatmej tein tapaleuis maj kalyetouanij kiuelitakan yetoskej itech imin nemachtil? 8) ITajtol Dios kiniluia tetatmej maj amo sayoj kinmachtikan ika Biblia imin koneuan, ta kinyoleua maj kinmakakan okseki taman, ¿toni nejon? 9) ¿Keniuj tayolmajxitilis tein kitemaka Biblia uelis kinpaleuis kalyetouanij maj ixpanokan axkan? 10) ¿Katiyejua principios bíblicos tein tamachtia maj timochipauakan, maj amo tikuikan drogas, maj amo titeltayikan tayil tein teiuintij oso tein techpaleuia maj tikaxanikan netekipacholmej, uelis techpaleuis maj amo semi tikokolispeuakan? 11) ¿Katiyejua tajtolmej tein kijtoua Biblia ke mochiuas satepan uelis techyolchikauas itech ouijkayomej? (Job 33:25; Sal. 145:16.) 12) ¿Keniuj tamachtilis tein moajsi itech iTajtol Dios mitsonpaleuia xikonpia se kuali nemilis? 13) ¿Keniuj tikonnemilia tikonpaleuis oksekin ika nejin vídeo?