Se yankuik video tein ika tikpeualtiskej nemachtilmej ika Biblia
Miakej taltikpakneminij kiitanijya itech jw.org se video tein amo uejkaua tein itokay ¿Keyej moneki timomachtiskej Biblia? Mochijchiuak kemej kinyoleuas maj kinekikan kiseliskej se nemachtil ika Biblia tein amo moixtaua. Uelis kiitaskej keman kipatskiliskej kampa kijtoua “Xiontajtani se nemachtil ika Biblia”, tein moajsi tatsintan itech ipeujyan página, oso kikuiskej código QR tein kitalijkej itamiampa yankuik tratados. Axkan tikitatij keniuj uelis tikuiskej video:
Keman oksepa titakalpanoskej, uelis tikijtoskej: “¿Uelis nimitsonnextilis se video tein amo uejkaua tein technextilia keniuj uelis tikajsiskej tanankililmej itech Biblia?”. Komo taltikpaknenkej kineki, maj tiknextilikan video itech tocelular oso itech icomputadora.
Komo tiktemakaj semej yankuik tratados keman titanojnotsaskej kampa yeski oso senteixtenoj, uelis tiknextiskej código QR uan tikyoleuaskej taltikpaknenkej maj kitekitilti ika icelular. Oso uelis tiknextiliskej video nejon hora ika tocelular, porin código QR niman kinextia video itech Internet itech tataman tajtolmej.
No uelis ika titajtoskej video iniuan akin titekitij oso timomachtiaj, tochankauan uan oksekin akin tikinixmatij, uan maj tikiniluikan ox uelis tikinnextiliskej. No uelis tikintitaniliskej itech correo electrónico tein kinpaleuis maj kiajsikan video, uan tikinyoleuaskej maj yejuan kiitakan.
Komo kuali tiktekitiltiaj nejin yankuik nepaleuil, uelis tikpeualtiskej yankuik nemachtilmej ika Biblia uan uelis tikinpaleuiskej akin kitemouaj kipiaskej “nemilis nachipa” (Hech. 13:48).