Nikneki ijsiujka se amaix itech okse tajtol

Kemansa tikajsij se taltikpaknenkej tein kineki kiixtajtoltis toamaixuan itech itajtol, sayoj ke amo tikpiaj kampa timonechikouaj. ¿Tikonmatia ke komo onkak Internet kampa tionnemi uan moajsi se impresora uelis tikonkixtis itech amat kemej itech 400 tataman tajtolmej? Nikan tikijtotij keniuj uelis tikixtiskej:

• Maj tiktemokan itech Internet página oficial www.watchtower.org/s.

• Ipeujyan página, toyekmakopa ixnesi sayoj ome eyi tataman tajtolmej. Xikonpatskili kampa nesi se taltikpak komo tikonneki maj ixnesi nochi tataman tajtolmej.

• Xikonpatskili itech tajtol tein tikonneki, uan ompa nesis amaixmej tein uelis tikonkixtis itech amat kemej: tratados, folletos uan okseki taman tamachtilis. Kemej nejon página ijkuiliujtok itech tajtol tein tikonixpejpenak, amo xionmotekipacho komo amo tikonajsikamati toni kijtoua títulos.

• Xikonpatskili semej itokay tamachtilis. Nejon nesis itech pantalla uan xikonpatskili kampa uelis tikonkixtis itech amat.

Nejon página itech Internet kipia sayoj se ome eyi amaixmej; komo taltikpaknenkej kineki oksekiok, maj tikiniluikan tokniuan itech nechikol maj tajtanikan, uan okachiok komo kineki kisentokas momachtis.