¿Tikonmati toni tikonselis?
Noyampa taltikpak itech okachi tapajtiloyamej amo kikuij esti keman kitekij se akin mokokoua. ¿Kuali tikonmati toni taman pajti oso tapajtilis tein kikuij kemej iixpatka esti? Moneki tikonmatis porin ijkon uelis tikonijtos toni taman pajti oso tapajtilis tikonselis. Timitsonyoleuaj xikonita video La negativa a la sangre. La medicina acepta el reto. Satepan, xikonchiua netataujtil uan ika netajtanilmej tein nikan moajsij, oksepa xikonita tein tikonajsikamatik. Tanejmachtilis: Kemej itech nejin video kansaika moita keniuj kitekij se akin mokokoua, tetatmej moneki kiixejekoskej ox kiitaskej imiuan konemej oso amo.
1) ¿Toni okachi kinuika itaixpantijkauan Jiova maj amo kiselikan esti? 2) ¿Toni kinekij kiseliskej itaixpantijkauan Jiova itech tapajtilis? 3) ¿Toni tein tayekantok kinamiki kiselis akin mokokoua? 4) ¿Keyej taixejekol uan motelneki maj kuali tikixpejpenakan pajti oso tapajtilis tein mokui kemej iixpatka esti? 5) Keman aksa kipoloua miak esti, ¿toni ome taman moneki ijsiujka kichiuaskej tapajtianij? 6) ¿Toni naui taman mokui tein tapaleuia maj amo mokui esti? 7) ¿Keniuj uelis kichiuaskej tapajtianij 1) maj amo semi poliui esti, 2) maj amo tami glóbulos rojos, 3) maj miakia esti uan 4) maj mosentili esti tein poliuik? 8) Xikonmelaua keniuj mokui tapajtilis tein moixmati kemej 1) hemodilución uan 2) recuperación de sangre. 9) ¿Toni moneki tikonmatis keman mitsoniluiskej se taman pajti oso tapajtilis tein mokui kemej iixpatka esti? 10) Komo se akin mokokoua moneki tel ueyi kitekiskej uan ouij, ¿uelis kipajtiskej uan amo kikuiskej esti? 11) ¿Toni tein tel kuali kichiujtokej tapajtianij?
Tosejselti tikijtoskej ox tikseliskej oso amo seki taman tapajtilis tein moita itech video, uan sejse moneki kiixpejpenas ijkon kemej kiiluis itanemilil tein kimachtijtok ika Biblia. ¿Tikonixpejpenakya toni taman tapajtilis uan pajti nankiseliskej tejuatsin uan mokoneuan, uan tikonijkuilojya itech amat DPA (directriz médica)? Timitsonyoleuaj xikonita ika nejmachkayot “Preguntas de los lectores” itech La Atalaya 15 de junio de 2004 uan 15 de octubre de 2000, ta ompa okachi techmelauilia nejon. Satepan, xikonita tamachtilis “¿Qué opino de las fracciones sanguíneas y de los procedimientos médicos que impliquen el uso de mi sangre?”, itech suplemento tein kiualkui Nuestro Ministerio del Reino noviembre de 2006, uan ijkon tikonmatis toni tikonselis uan toni amo. Uan ompa, xikonpanolti itech amat DPA ijkon kemej tikonixpejpenak. Akin mitsonpaleuiskej uan oksekin mochankauan tein amo itaixpantijkauan Jiova, moneki kimatiskej tein tikonixpejpenak.