TONEMILIS KEMEJ ITATOJTOKAKAUAN CRISTO
Xikonchiua tein mitsonpaleuis keman tikonpanos tein amo tikonchiaya
¿Keyej motelneki tikchiuaskej axkan tein techpaleuis satepan? Tinochin uelis ijsiujka tikpanoskej teisa uan xa monekis techuikaskej tapajtiloyan. Komo tiknekij maj kuali techpaleuikan, moneki axkan tikuiskej tein inechikol Jehová techmakani. Komo ijkon tikchiuaj, tiknextiskej ke tikpatiuitaj tonemilis uan ke tiktakamatij Jehová keman tanauatia maj amo tikuikan esti (Hch 15:28, 29).
¿Toni uelis tikonchiuas axkan?
Yekinika xikontataujti Jehová uan itech xiontanemili tein tikonchiuas, ompa xikonpexonti amat (DPA).a Tokniuan akin moauijkejya uelis kitajtaniskej nejin amat tokniuj akin tajtani amaixmej itech nechikol. Uan tetatmej uelis kintajtaniliskej ininkoneuan akin ayamo kiajxitiaj 18 xiujmej Tarjeta de identidad (ic-S).
Akin kokoxkayetokej uelis kintajtaniskej tayekananij amat Tein moneki kimatiskej siuamej akin kipiatij se konetsin (S-401). Nejin kinpaleuis maj kimatikan keniuj mopajtiskej keman kokoxkayetoskej uan tonal keman kipiaskejya ininkonetsin.
Komo moneki mitsonpajtiskej uan xa monekis kikuiskej esti oso komo moneki tionmokauas tapajtiloyan, niman xikonilui tayekananij uan xikonilui tapajtianij ke tikonuelitaskia maj mitsonkalpano se itaixpantijkauj Jehová.
¿Keniuj uelis tapaleuiskej tayekananij? Uelis mitsonpaleuiskej xikonpexonti amat DPA, sayoj ke amo mitsoniluiskej toni moneki tikonchiuas nion kiixtaliskej tein tejuatsin moneki tikonixpejpenas (Ro 14:12; Gál 6:5). Keman tikoniluis tayekananij ke kinekij mitsontaliliskej esti, yejuan niman kinnotsaskej tokniuan Tayekananij akin Tetajtouiaj itech Tapajtiloyamej.
¿Keniuj tapaleuiaj tokniuan Tayekananij akin Tetajtouiaj itech Tapajtiloyamej? Yejuan kuali kinmachtianij para techtajtouiskej uan kimelauaskej ininixpan tapajtianij uan tamelauanij keyej amo tikuij esti. Uelis kiniluiskej okseki taman kemej uelis tapajtiskej kemej amo monekis kikuiskej esti. Uan komo moneki, uelis kitemoskej se tapajtijkej akin kinekis tapajtis uan amo kikuis esti.
SATEPAN KE TIKONITAS VIDEO ¿KENIUJ TIKIXPEJPENASKEJ KEMEJ MOKUIS ESTI?, XIKONNANKILI NEJIN NETAJTANIL:
¿Toni moneki tikonchiuas tein mitsonpaleuis keman kinekiskej mitsonpajtiskej ika esti?
a Itech amatajkuilol Tiyolpakiskej nochipaya itech tamachtilis 39 uelis mitsonpaleuis xikonmati toni uelis tikonchiuas.