Keniuj tipeuaskej titajtoskej
Keniuj tikpeualtiskej nemachtilmej ika Biblia itech yekinika sábado tein kipia septiembre
“Taltikpakneminij tein seseko kayomej uan tataman taneltokalis kipiaj, mojmostaj kichiuaj netataujtil. ¿Tikonnemilia ke Dios kikaki nochi netataujtilmej?” Xikonkaua maj tanankili. Ompa xikonmaka La Atalaya 1 de septiembre uan xiksenitakan nemachtil tein kiualkui yekinika netajtanil itech página 16 uan semej textos tein kijtoua maj se kiita. Xikonkauili amaixmej uan xikonilui kemanian nankisentokaskej nankiitaskej okse netajtanil.
La Atalaya 1 de septiembre
Xikonnextili iixko amaix uan xikonilui: “¿Keniuj tikonnankiliskia nejin netajtanil? [Xikonkaua maj tanankili.] Xikonita tein kijtoua Biblia [xikonixtajtolti 1 Juan 5:19]. Nejin tajkuilol kinextia ke ‘Amokuali’ oso Satanás taixyekana nikan taltikpak. Sayoj ke nejin kichiua maj se motajtani: ¿Kani ualeuak Satanás? ¿Yekmelauj nemi? ¿Kanachi tonalmej Dios kikauas maj taixyekana? Nejin amaix kinextia tanankililmej tein kitemaka Biblia”.
¡Despertad! Septiembre
“Axkan miakej motekipachouaj porin semi tatasojti. ¿Tikonnemiliani keyej semi amo techajsi tomin keman tami metsti? [Xikonkaua maj tanankili.] Biblia kitemaka kuali tajtolmej tein tel miakej kinpaleuiani maj kuali kitekitiltikan tomin tein kitanij [xikonixtajtolti semej textos tein moajsi itech página 8 uan 9]. Nejin amaix kitemaka kuali tajtolmej tein kinpaleuia akin moteltekipachouaj ika tauikalis.”