Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia septiembre

“Tel miak xiujmejya taltikpakneminij motajtanianij kani moajsij mikemej oso toni techpanoua keman timomikiliaj. ¿Toni tikonnemilia tejuatsin?”. Xikonkaua maj tanankili uan xikontasojkamatili tein kijtos. Xikonnextili amaix Tamachtia Biblia uan iuan xikonita página 58 uan 59, párrafo 5 uan 6 kampa kijtoua “Toni yekmelauj techpanoua ijkuak timomikiliaj”. Xikonixtajtolti uan ika xiontajto Eclesiastés 9:5. Xionmotenkaua iuan kemanian nankisentokaskej nankiitaskej nejin tamachtilis.

Tanejmachtijkej 1 metsti septiembre

“Miakej taltikpakneminij kineltokaj ke uejueyi tachiualismej mochiua ika ichikaualis Dios, uan sekin amo kineltokaj. ¿Tiontaneltoka tejuatsin itech nejin uejueyi tachiualismej? [Xikonkaua maj tanankili.] Moajsi se netenkaualis ika se ueyi tachiualis ika ichikaualis Dios tein kichiua maj miakej yolpakikan [xikonixtajtolti semej textos tein ixnesij itech página 7]. Itech nejin amaix motemaka tanankililmej ika eyi taman tein moijtoua ika uejueyi tachiualismej.”

¡Despertad! Septiembre

“Miakej kijtouaj ke itech nejin taltikpak ejkos tonal amo akin nemisok porin mochiuas se ueyi neteuilis, se asteroide motelos iuan taltikpak oso porin tel tonas uan tel taseseyas. ¿Moneki tikneltokaskej tein moijtojtok ika itamilis taltikpak, oso sayoj monenemiliaj? [Xikonkaua maj tanankili.] Biblia techiluia nejin kualtsin tajtolmej [xikonixtajtolti Salmo 37:29]. Nejin amaix kinextia tataman tajtolmej tein moijtoua ika itamilis taltikpak, uan kinextia kuali tamachtilis tein kitemaka Biblia ika tein mochiuas satepan.”