Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia septiembre

“Miakej kineltokaj ke ángeles tapaleuiaj. ¿Tikonneltoka nejon? [Xikonkaua maj tanankili.] Ángeles nemij iluikak uan kipiaj miak chikaualis, ¿tikonnemilia ke uelis techpaleuiskej? Biblia kimelaua keniuj kichiuaj.” Xikonnextili tamachtilis tein moajsi itamiampa amaix Tanejmachtijkej 1 metsti septiembre, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Tanejmachtijkej 1 metsti septiembre

“¿Tikonnemilia ke uelis moyektalis nochi tein kichiuilijtokej taltikpak? [Xikonkaua maj tanankili.] Maski amo akin uelis kiyektalis tein kichiujkejya, Biblia kijtoua ke Dios kemaj ueli uan kineki kichiuas. Salmo 65:9 kiyeknextia ke ijkon mochiuas [xikonixtajtolti]. Nejin amaix Tanejmachtijkej kimelaua keniuj Dios kiyekpias taltikpak uan keniuj uelis tikseliskej nejon tatiochiualismej. Nikuelitaskia nimitsonkauilis uan ijkon uelis tikonixtajtoltis.”

¡Despertad! Septiembre

“Miakej kiitaj ke moneki tel tekitiskej uan amo kimatij toni kichiuaskej tein kinpaleuis maj amo moteltekipachokan. Motelmachtianij kijtouaj ke akin tekiti hasta kampa amo ueliok, uelis kichiuas maj kokolispeua, uan maj moijtako inakayo uan kemej momachilia. ¿Toni uelis techpaleuis maj titekitikan ika taixejekolis? [Xikonkaua maj tanankili.] Nejin tajtolmej itech Biblia techpaleuia maj titanemilikan [xikonixtajtolti Eclesiastés 4:6]. Nejin amaix kinextia naui taman tein techpaleuis maj tikitakan toni tayekantok uan maj amo timoijtakokan.”