Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia octubre

“Itech nejin tonalmej tein semi ouijkej, okachi mochiua miak taman tein semi kintekipachoua kalyetouanij. ¿Kani tikonnemilia uelis tikajsiskej kuali tajtolmej tein yekmelauj techpaleuis maj tiyolpakikan kemej kalyetouanij?” Xikonkaua maj tanankili. Ompa, xikonnextili La Atalaya 1 de octubre uan xiksenitakan nemachtil tein kiualkui semej netajtanilmej itech página 16 uan 17, uan semej textos tein kijtoua maj se kiita. Xikonkauili amaixmej uan xikonilui kemanian nankisentokaskej nankiitaskej okse netajtanil.

La Atalaya 1 de octubre

Xikonnextili taltikpaknenkej iixko amaix uan xikontajtani: “Komo tikonmatiskia ke amo melauak tein mitsonmachtijkej kemej tamati Dios, ¿keniuj tionmomachiliskia? [Xikonkaua maj tanankili.] Xikonita tein Jesús kijtoj keniuj uelis tikmatiskej tein melauak uan tein amo melauak [xikonixtajtolti Juan 17:17]. Nejin tajtolmej kinextiaj ke sayoj Biblia techiluia keniuj yekmelauj tamati Dios. Nejin amaix kinextia ika Biblia makuil taman tein kijtouiliaj Dios”.

¡Despertad! Octubre

“Axkan tikchiujtokej se tekit tein uelis kinpaleuis nochin kalyetouanij. ¿Toni tikonijtoskia ke okachi ouij tein kiixnamikij tetatmej keman kiniskaltiaj konemej? [Xikonkaua maj tanankili.] Miakej tetatmej kitemouaj nepaleuil tein kitemaka Biblia. Kemej neskayot, nejin kuali tajtolmej kiitaj kintelpaleuia keman kintakakiltiaj konemej [xikonixtajtolti Efesios 4:31]. Nejin amaix kinextia keniuj kuali tajtolmej tein kitemaka Biblia, uelis kinpaleuis tetatmej maj kiniskaltikan konemej keman nojnelmej uan hasta keman mochiuaj telpochmej.”