Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia octubre

“Miakej taltikpakneminij kinemiliaj ke ejkos tonal keman Dios kinixkomakas ika tein kichiujkej. ¿Tionmonemilia tejuatsin ke moneki tikchiaskej nejon tonal ika pakilis oso ika moujkayot? [Xikonkaua maj tanankili.] Xikonita tein nejin amaix kijtoua.” Xikonmaka amaix Tanejmachtijkej 1 metsti octubre, xiksenitakan tamachtilis tein kiualkui yekinika netajtanil itech página 16 uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Tanejmachtijkej 1 metsti octubre

“Itech miak xolalmej itech taltikpak, siuamej amo kinpoujkaitaj uan kintajyouiltiaj. Tetayokoltij sayoj ke nejin kemansa mochiua porin kipiaj tataman taneltokalis. ¿Tionmonemilia tejuatsin ke Dios motekipachoua ininka siuamej? [Xikonkaua maj tanankili.] Xikonita tein kijtoua Biblia ika keniuj takamej moneki kinitaskej siuamej [xikonixtajtolti Efesios 5:28, 29]. Nejin amaix kijtoua keniuj Dios kinita siuamej.”

¡Despertad! Octubre

“Miakej tetatmej kinekij maj ininkoneuan kiselikan se kuali nemachtil. ¿Tikonnemilia tejuatsin ke telpochmej akin kitamiaj se nemachtil kimatij keniuj kiixnamikiskej ouijkayomej tein kipiaskej itech ininnemilis? [Xikonkaua maj tanankili.] Xikonita nikan kampa Biblia kijtoua ke motelneki tikpiaskej taixmatilis uan tamatilis [xikonixtajtolti Eclesiastés 7:12]. Nejin amaix kitemaka makuil tayolmajxitilis tein kinpaleuis telpochmej maj kuali kinyoui itech kaltamachtiloyan.”