Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia octubre

“Titajtojtokej iniuan akin nemij nikauin uan miakej taneltokaj itech ángeles. Sayoj ke, sekin kineltokaj ke nochin ángeles yolkualmej uan uelis techpaleuiskej. ¿Tejuatsin toni tikonnemilia? [Xikonkaua maj tanankili.] Dios techkaua tinochin maj tikixpejpenakan tikchiuaskej tein kuali oso tein amo kuali. Tetayokoltij tikijtoskej ke amo nochin ángeles kiixpejpenkej kitakamatiskej Dios.” Xikonnextili tamachtilis tein moajsi itamiampa amaix Tanejmachtijkej septiembre-octubre, xiksenitakan tamachtilis tein kiualkui itech ojpatika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian uelis tikonsentokas iuan tiontajtos ika nejon.

Tanejmachtijkej Septiembre-octubre

“Miakej kintekipachoua kiitaskej ke nejin taltikpak kitelijtakojtokej. ¿Tikonnemilia tejuatsin ke Dios kitekipachoua maj kiixpolokan taltikpak? [Xikonkaua maj tanankili uan ompa xikonixtajtolti Apocalipsis 11:18.] Nejin amaix kinextia keniuj Dios kiyekpias taltikpak uan keniuj uelis tikitaskej nejon tatiochiualis tein mochiuas amo uejkaua. Nikuelitaskia nimitsonkauilis uan ijkon uelis tikonixtajtoltis.”

¡Despertad! Octubre

“Tikinkalpanojtokej akin nemij nikauin porin tiknekij tikinpaleuiskej maj kiajsikan itanankilil nejin netajtanil. [Xikonnextili ipeujyan amaix.] ¿Tikonnemilia ke uelis tiyolpakiskej sayoj komo tikpiaj miak tomin? [Xikonkaua maj tanankili.] Biblia kinextia keniuj moneki tikitaskej tominpialis. [Xikonixtajtolti Lucas 12:15.] Biblia kijtoua ke akin yeski uelis yolpakis. Nejin amaix techmachtia okachi.”