Itaixpantijkauan Jiova: kinextiaj ueyi takuaujtamatilis. Taxelol 1: Kisaj itech tayouayanilot
Itech Biblia, tanex iuan mouika tein melauak, uan tayouayanilot iuan mouika takajkayaualis (Sal. 43:3; Isa. 5:20). Keman Satanás kikajkayauak Eva, ijkuak peuak tayouayanilot itech taltikpak uan ijkon kimoyaujtiualaj itech nochi semanauak (Rev. 12:9). Itech video tein motokaytia Los testigos de Jehová: una historia de fe viva. Parte 1: Salen de la oscuridad moijtoua keniuj tanex tein kineskayotia itamachtilis Dios peuak ualnesi (Isa. 60:1, 2). Satepan ijkuak tikonitas, xikonnankili nejin netajtanilmej.
1) ¿Keniuj momoyauak tayouayanilot ika itamachtilis Dios satepan ijkuak momikilijkej tatitanilmej? 2) Itech ipeujyan siglo 12, ¿toni mochiuak tein tapaleuij maj taltikpakneminij kimatikan ke itech tiopamej amo motamachtiaya tein melauak? 3) ¿Akonimej katkaj Henry Grew uan George Storrs? 4) ¿Toni tein panok itech inemilis Charles Russell kichiuak maj taman tanemili? 5) ¿Keniuj momachtiayaj Biblia tokniuj Russell, ipopaj uan sekin akin iuan moixmatia, uan toni kiajsikamatkej? 6) ¿Keniuj Russell uan akin iniuan mosenmachtiaya peuak mosentiliaj iuan Nelson Barbour uan akin iniuan mosenmachtiaya? ¿Keyej satepan moxelojkej? 7) ¿Toni panok itech metsti julio xiuit 1879 keman peuak yankuik xiujmej ika itamachtilis Dios? 8) Itech nejon xiuit, ¿toni peuak kichiuaj moMachtianij ika Biblia akin momiakilijtoyaj uan ijkon kimoyauaskiaj kuali tanauatilmej? 9) ¿Toni kichixtoyaj moMachtianij ika Biblia miak xiujmej achto maj mochiua itech xiuit 1914? 10) ¿Toni ouijkayomej kiixnamikkej moMachtianij ika Biblia satepan ijkuak momikilij tokniuj Russell? 11) ¿Toni kichiujkej moMachtianij ika Biblia satepan keman tokniuj Rutherford uan akin iniuan tekitia kinkixtijkej kampa tsaktoyaj? 12) ¿Keniuj ika nejin video okachi tikonajsikamati uan tionmotasojkamati ika inechikol Jiova? 13) ¿Keniuj mitsonpaleuij nejin video okachi xikonneki tikonsentokas tiontekitis itech tanojnotsalis ika miak chikaualis maski tikonpias ouijkayomej? 14) ¿Keniuj uelis tikuiskej nejin video uan ika tikinpaleuiskej tochankauan, akin tikinmachtiaj ika Biblia uan oksekinok?
Yekinika moMachtianij ika Biblia techkauilijkej se kuali neskayot porin motekipachouayaj ika ininkuali uikalis iuan Dios. Maski nemiaj kemej yeskia tatayouayan porin amo motemakaya itamachtilis Dios, yejuan kiteixmatiltijkej ika miak yolchikaualis tein ika taltikpakneminij kiseliskiaj tanex. Maj no ijkon tikchiuakan uan maj ‘tiyekchipaujkanemikan porin tipoujtinemij ya tech in Tajtoltsin de Dios ten sayoj tatanextia’ (Efe. 5:8).