Itaixpantijkauan Jiova: kinextiaj ueyi takuaujtamatilis. Taxelol 2: Kikauaj maj petani tanex
Satepan keman tokniuj Rutherford uan akin iniuan tekitia kiskej kampa tsaktoyaj itech xiuit 1919, moMachtianij ika Biblia kipiayaj se ueyi tekit. Itech video tein motokaytia Los testigos de Jehová: una historia de fe viva. Parte 2: Dejan brillar su luz monextia ke kipiakej taixnamikilis, okachi kiajsikamatiaj tein kijtoua iTajtol Dios uan inintakuaujtamatilis okachi mochikauak (Pro. 4:18; Mal. 3:1-3; Juan 15:20). Satepan ijkuak tikonitas, xikonnankili nejin netajtanilmej.
1) ¿Toni kitekitiltijkej moMachtianij ika Biblia tein ika kimoyauayaj kuali tanauatilmej? 2) ¿Toni panok itech uejueyi nechikolmej tein mochiujkej itech xiuit 1931 uan 1935? 3) ¿Toni tamachtilis motemakak itech La Atalaya 1 de noviembre 1939 itech tajtol inglés? 4) Xikonijto toni mochiuak itech Madison Square Garden keman tokniuj Rutherford kitemakatoya se tanojnots tein katka itokay “Tekiuajyot uan yolseuilis” (Gobierno y paz). 5) ¿Keyej semi tapaleuij tanojnots “Yolseuilis... ¿uejkauas?” (Paz... ¿será duradera?) tein kitemakak tokniuj Knorr? 6) ¿Toni kiixejekojkej kichiuaskej itaixpantijkauan Jiova itech xiuit 1942 tein ika kipataujkej tekit itech tanojnotsalis? 7) Xikonijto seki neskayomej keman itaixpantijkauan Jiova motajtouijkej ininixpan tekiuanij itech altepet Estados Unidos, Canadá uan Grecia. 8) ¿Keniuj tapaleuij Galaad maj okachi momoyauani kuali tanauatilmej? 9) ¿Toni ueyi tekit mopeualtij itech xiuit 1946, uan keyej? 10) ¿Toni kichiujkej itaixpantijkauan Jiova uan ijkon ininnemilis mouikaskia kemej kijtoua iTajtol Dios? 11) Xikonijto seki taman tein mopatak satepan itech xiuit 1970 uan ijkon inechikol Dios moyektaliskia kemej kijtoua Biblia. 12) ¿Keniuj mitsonpaleuij nejin video maj okachi xikonajsikamati ke Jiova nochi ueli kiixyekana uan ke nejin nechikol iaxka? 13) ¿Keniuj mitsonpaleuij nejin video okachi xikonneki tikonsentokas tiontekitis itech tanojnotsalis ika miak chikaualis maski tikonpias ouijkayomej? 14) ¿Keniuj uelis tikuiskej nejin video uan ika tikinpaleuiskej tochankauan, akin tikinmachtiaj ika Biblia uan oksekinok?
Ijkon kemej panoua sejse tonal, kemej yeskia moamatalia tein kichiuaj itaixpantijkauan Jiova. ¿Toni kijtoskia nejon tajkuilol ika chikaujkayot tein tejuan tikchiuaj itech tanojnotsalis? Maj tikchiuakan kemej kichiuayaj tokniuan ne uejkauj: maj titapaleuikan “ma mochiua tanex uan ma pepetaka kampa ne tayouayanijtik” (2 Cor. 4:6).