Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia mayo

“Tinochin itech nejin taltikpak titajtakouanij. ¿Kemansa tionmotajtaniani ox Dios techtapojpoluis komo tikchiuaj uejueyi tajtakolmej?” [Xikonkaua maj tanankili.] Xikonnextili tamachtilis tein moajsi itamiampa amaix Tanejmachtijkej 1 metsti mayo, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Tanejmachtijkej 1 metsti mayo

“Tikuelitaskiaj tikmatiskej tein tikonnemilia ika tein kijtoua nikan [xikonixtajtolti 1 Juan 4:8]. Miakej kijtouaj ke melauak nejin tajtolmej, sayoj ke sekin kijtouaj ke Dios amo yolkuali porin kichiua, oso kikaua, maj onka tetsaujmej. ¿Toni tikonnemilia tejuatsin? [Xikonkaua maj tanankili.] Nejin amaix kinextia seki taman tein techpaleuis maj amo tiknemilikan ke Dios amo yolkuali.”

¡Despertad! Mayo

“Tiknekij titajtoskej mouan axkan ika se kuejmol tein tinochin techtekipachoua: miakej kitapanauiliaj tanauatil. Sekin kinemiliaj ke nejin moyektalis komo onkakej okachi policías. ¿Toni tikonnemilia tejuatsin? [Xikonkaua maj tanankili.] ¿Tikonmatia ke Biblia kijtoua ke nochi nejon tein amo kuali tamis? [Xikonixtajtolti Salmo 37:10, 11.] Nejin amaix kimelaua keniuj mochiuas uan techiluia seki taman tein ika uelis timopaleuiskej axkan.”