Maj timochikauakan tikpeualtiskej nemachtilmej ika Biblia itech yekinika sábado
Itech metsti mayo xiuit 2011, tanojnotsanij kinyoleuanij maj mochikauakan kipeualtiskej nemachtilmej ika Biblia itech yekinika sábado tein kipia sejse metsti. Uan tamachtilis “Netajtanilmej tein kisaj itech Biblia” tein kiualkui amaix Tanejmachtijkej tein titemakaj itech tanojnotsalis techpaleuia maj amo ouij techkisa tikchiuaskej. Yejua ika, itech nechikol tein mochiuas achto ke tiyaskej titanojnotsatiuij itech yekinika sábado, moneki momelauas keniuj tiktekitiltiskej nejon tamachtilis uan ijkon tikpeualtiskej nemachtilmej ika Biblia uan moneki motemakas se ixneskayot.
Tayekananij kiixejekoskej ox itech yekinika sábado mosentiliskej nochin akin pouij itech nechikol, xa itech Kali kampa tiMosentiliaj, oso ox seseko mosentiliskej ijkon kemej ixyetokej sentanojnotsaskej. Sayoj ke, komo miak nechikolmej ompa mosentiliaj, tonal keman ixyetok se kipeualtis nemachtilmej ika Biblia amo moneki mopatas sayoj porin ijkuak amo uelis nochin mosentiliskej.