Keniuj tipeuaskej titajtoskej

Tanauatilmej ika iTekiuajyo Dios tapoual 38

“Noyampa taltikpak momoyaujtok nejin amaix tein kijtoua se taman tein motelneki. Nimitsonkauilia se.”

Nota: Okachi kuali maj amo se uejkaua, ta ijkon uelis titamitekitiskej itech nochi xolalmej kampa titanojnotsaj. Sayoj ke komo aksa kuali techkaki uan kineki kimatis okachi, uelis tiktajtaniskej toni kinemilia ika netajtanil tein moajsi ipeujyan amaix, maj tikixtajtoltilikan Hechos 24:15 itech tratado uan maj tikitakan okseki taman ijkon kemej ajsis tiempo. Satepan uelis tikchiuiliskej netajtanil “¿Keyej tiueuentsintiaj uan timomikiliaj?”, tein moajsi taikan itech amaix, uan maj timotenkauakan iuan kemanian tiksentokaskej timonojnotsaskej.

Tanejmachtijkej 1 metsti noviembre

“Tikuelitaskiaj tikmatiskej tein tikonnemilia ika nejin. ¿Katiyejua okachi ueyi takajkayaualis tein ika kiteixmatiltianij Dios? [Xikonkaua maj tanankili.] Biblia kiyekijtoua ke Dios kineki maj tiktasojtakan uan maj iuan titakuaujtamatikan [xikonixtajtolti Isaías 41:13]. Nejin amaix kiyeknextia eyi takajkayaualis tein kichiuani maj miakej taltikpakneminij ouij kinkisa motokiskej iuan Dios.”

¡Despertad! Noviembre

“Miakej taltikpakneminij kinemiliaj ke okachi miakej kichiuaj tein amo kuali. ¿Tikonitani ke yejua nejon tein panotok? [Xikonkaua maj tanankili.] Biblia achto kijtoj ke inintanemilil uan inintachiualis taltikpakneminij okachi amo kuali yeskia ijkon kemej panoskiaj tonalmej [xikonixtajtolti 2 Timoteo 3:1-5]. Nejin amaix kinextia ke komo timonejnemiltiaj ijkon kemej tamachtia Biblia okachi kuali tiyetoskej itech tonemilis.”