Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia marzo

“Timitsonkalpanouaj porin mochiuati se taman tein motelneki itech tonal 14 metsti abril. Nejon tonal moelnamiki imikilis Jesús. Miakej mosentiliaj uan kielnamikij porin kinemiliaj ke imikilis motelneki, sayoj ke oksekin amo ijkon kiitaj. ¿Tikonnemilia ke imikilis Jesús techpaleuia tisejsemej?” Xikonkaua maj tanankili. Xikonnextili tamachtilis tein moajsi itamiampa amaix Tanejmachtijkej 1 metsti marzo, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Tanejmachtijkej 1 metsti marzo

“Miakej motajtaniaj keyej Dios amo kitamia tataman tajyouilis tein onkak nikan taltikpak. ¿Tikonnemilia ke amo kiixpoloua porin amo kiita, oso porin kinemilia ke kuali yetok maj titajyouikan? [Xikonkaua maj tanankili. Ompa xikonixtajtolti Juan 3:16.] Maski miakej kinextiaj ika nejin tajkuilol ke Dios kemaj kiita tein techpanoua, amo kiyekmatij keniuj techpaleuia imikilis iKonetsin Dios. Nejin amaix kimelaua keniuj imikilis Jesús tapaleuis maj tami nochi tajyouilis tein onkak nikan taltikpak.”

¡Despertad! Marzo

“Tamechkalpanouaj porin tiknekij tikmelauaskej se tanemilil tein miakej kipiaj. Moajsi nikan itech Biblia [xikonixtajtolti Génesis 1:1]. Sekin kineltokaj ke Dios kichijchiuak iluikak uan taltikpak, kemej kijtoua nikan, sayoj ke oksekin amo. ¿Tejuatsin toni tikonnemilia? [Xikonkaua maj tananklili.] Miakej ouij kinkisa kineltokaskej ke Dios kichijchiuak nochi porin tamachtianij itech inintaneltokalis kiniluiaj tein Biblia amo kijtoua. Nejin amaix kimelaua tataman tanemililmej tein taixejekol tein Biblia kinextia keman kijtoua keniuj peuak iluikak uan taltikpak.”