Keniuj tipeuaskej titajtoskej

Tein tikijtoskej keman tikmoyauaskej tayoleualis

“Nikuelitaskia nimitsonyoleuas itech se nechikol tein motelneki. Tonal 3 metsti abril, semanauak taltikpak tel miakej mosentiliskej uan ijkon kielnamikiskej imikilis Jesucristo uan kikakiskej se tanojnots tein mokixtia itech Biblia uan amo motajtanis tomin tein ika tajtos keniuj techpaleuia imikilis. Nejin tayoleualis kinextia kani uan toni hora mochiuas itech toxolal.”

Tanejmachtijkej Marzo-abril

“Itech tonal 3 metsti abril tikelnamikiskej imikilis Jesucristo. Sekin akin nikauin nemij timosentiliskej uan ijkon tikelnamikiskej nejon tonal. Sayoj ke, moajsij miakej akin kinemiliaj ke imikilis Jesús amo semi techpaleuia. ¿Toni tikonnemilia tejuatsin? ¿Tikoneltoka ke imikilis Jesús uan ineajokuilis uelis techpaleuis? [Xikonkaua maj tanankili.] Xikonita tein kijtoua iTajtol Dios. [Xikonixtajtolti 1 Corintios 15:22, 26.] Nejin amaix kimelaua ke kemej Jesús toka momikilij, satepan nochin akin nemiskej itech taltikpak amo keman momikiliskejok.”

Tanojnotsmej tein ualeuaj itech Biblia

“Kemej nikauin ninemi niyolpaki nimitsoniluis se taman tein kuali. ¿Tionmotajtaniani ox satepan tikpiaskej yolpakilis? [Xikonkaua maj tanankili. Satepan xikontapo amaix itech tanojnots 115 uan xikonnextili taixkopin. Ompa xikonixtajtolti ojpatika párrafo tein kipia tanojnots.] Tikyekmatij ke nejin senkis mochiuas porin Dios ijkon motenkauak [Xikonixtajtolti 2 Ped. 3:13.] Nejin amaix mochijchiuak porin tapaleuia maj tinochin tikajsikamatikan okachi ke Dios techtasojta uan toka motekipachoua. [Xikonmaka amaix.]”