Keniuj tipeuaskej titajtoskej

Tein tikijtoskej keman tikmoyauaskej tayoleualis

“Nikuelitaskia nimitsonyoleuas itech se nechikol tein motelneki. Tonal 14 metsti abril, semanauak taltikpak tel miakej mosentiliskej uan ijkon kielnamikiskej imikilis Jesucristo uan kikakiskej se tanojnots tein mokixtia itech Biblia uan amo motajtanis tomin, tein ika tajtos keniuj techpaleuia imikilis. Nejin tayoleualis kinextia kani uan toni hora mochiuas itech toxolal.”

Tanejmachtijkej 1 metsti abril

“Titajtojtokej ika se taman tein miakej kichiuaj. Miakej motataujtiaj iuan Dios maski kipiaskej tein yeski taneltokalis. ¿Tikonnemilia ke Dios kinankilia netataujtilmej, oso tikonita kemej sayoj se taman tein ika kuali timomachiliaj? [Xikonkaua maj tanankili.] Xikonita tein kijtoua Biblia. [Xikonixtajtolti 1 Juan 5:14.] Nejin amaix kimelaua keniuj tapaleuia netataujtil.”

¡Despertad! Abril

“Titakalpanojtokej porin tiknekij titapaleuiskej maj ueli moixnamiki se kuejmol tein miakkan semi moita. Sekin kinemilianij momiktiskej porin semi kintajyouiltia tein kipanotokej. Keman aksa ijkon tanemilia, ¿tikonnemilia ke melauj kineki mikis oso sayoj kitemoua amo tajyouisok? [Xikonkaua maj tanankili.] Xikonita tein kijtoua iTajtol Dios uan miakej kinpaleuiani maj kipiakan se kuali tanemilil. [Xikonixtajtolti Apocalipsis 21:3, 4.] Nejin amaix techiluia eyi taman keyej moneki tiksentokaskej tinemiskej maski tikpiaskej kuejmolmej.”