Maj okachi kuali titanojnotsakan: xikonmati keniuj tiontanankilis keman aksa amo kineki tajtos ika Biblia

Keyej motelneki. Xikonnemili ke tejuatsin tikonmati ke mochiuati se tetsauit uan ke miakej mikiskej komo amo kitemouaj keniuj mopaleuiskej. Tikonnauatiti se akin ompakauin chanchiua, sayoj ke amo mitsonkaua xiontajto uan kijtoua ke kipia miak tekit. ¿Ijkon tionmokauaskia? ¡Amo! No ijkon, miakej amo kinekij techkakiskej porin amo kimatij ke tamachtilis tein tikuikaj uelis kinmakixtis. Xa keman tikinkalpanouaj kintekipachoua teisa (Mat. 24:37-39). Oso xa techchikoitaj porin oksekin miak taman techijtouiliaj (Mat. 11:18, 19). Xa kinemiliaj ke totaneltokalis no ijkon kemej okseki taneltokalismej tein amo tapaleuianij (2 Ped. 2:1, 2). Komo keman peua tiontajtoua iuan aksa uan yejua kinextia ke amo kineki kimatis, maj amo niman timosenkauakan.