Maj okachi kuali titanojnotsakan: xikonmati keniuj tikonnankilis akin mitsontauelnankilia

Keyej motelneki. Keman titanojnotsaj tikinajsij miakej taltikpakneminij akin kuali technankiliaj. Sayoj ke, Jesús achto kijtoj ke moajsiskiaj akin techtauelitaskiaj (Juan 17:14). Yejua ika, moneki amo tikmoujkaitaskej komo se tonal aksa techtauelnankilia. Komo panoua nejon, moneki titanankiliskej kemej kiyolpaktis Jiova, Dios akin tikixnextiaj (Rom. 12:17-21; 1 Ped. 3:15). Komo kuali titanankiliaj tapaleuis maj taltikpaknenkej amo okachiok kualani. Uan no, tapaleuis maj akin tikalpanouaj ijkon kemej akin ompakauin moajsiskej, kuali ika tajtokan Jiova uan toka, uan nejon kichiuas maj kinekikan kinkakiskej itaixpantijkauan Jiova okse tonal (2 Cor. 6:3).