Agosto yeski se metsti keman mochiuas se ueyi tekit

1. ¿Toni ueyi tekit mochiuas noyampa taltikpak ijkon kemej ajsitiyas cien xiujmej keman peuak taixyekana iTekiuajyo Dios?

¹ Kemej amo uejkaua ajsis cien xiujmej keman peuak taixyekana iTekiuajyo Dios, ¡semi kuali maj tikueyichiuakan Jiova ika se ueyi tekit! Itech metsti agosto tikmoyauaskej noyampa taltikpak se yankuik tratado tein motokaytia ¿Kani tikajsiskej itanankililuan netajtanilmej tein okachi monekij? Nejin tratado kinyoleua taltikpakneminij akin kipiaj netajtanilmej maj kitemokan tanankililmej itech Biblia uan kimelaua keniuj uelis kinpaleuis jw.org itech Internet.

2. ¿Keniuj uelis titapaleuiskej maj okachi moueyichiua Jiova itech metsti agosto?

² Tel miakej kiueyichiuaskej Dios. Sayoj itech nejin xiuit, itech metsti agosto, moixtalij ke tanojnotsanij akin moauijkejya uan kinekiskej kichiuaskej tekit kemej precursor auxiliar uelis temakaskej treinta horas, nejon kinpaleuis maj okachi tanojnotsakan. Kemej nejon metsti kipia makuil viernes, sábados uan domingos, miakej tanojnotsanij akin tekitij oso momachtiaj itech semana, uelis kichiuaskej tekit kemej precursor auxiliar. Komo se akin tikonmachtia ika Biblia oso semej mokoneuan kinextia ke uelis mochiuasya tanojnotskej, niman xiontajto iuan akin kinixyekana oloch tayekananij itech monechikol. ¡Semi kinyolchikauas mochiuaskej tanojnotsanij itech nejin metsti keman mochiuas se ueyi tekit! Miakej akin kichiuaj tekit kemej precursor regular moseuiaj tepitsin itech metsti agosto satepan keman kiajxitijkej horas tein moneki kichiuaskej itech xiujtekit, sayoj ke xa monekis kiixtaliskej okachi tapaleuiskej itech nejin ueyi tekit tein mochiuas. Kalyetouanij uelis kiitaskejya keniuj tapaleuiskej maj okachi moueyichiua Jiova itech metsti agosto (Esd. 3:11; Prov. 15:22).

3. ¿Toni tikchiaj maj mochiua itech nejin ueyi tekit?

³ Maski ipa titapaleuianijya itech tataman uejueyi tekimej tein mochiuani, tikchiaj maj nejin tonalmej mochiua okachi ueyi tekit. ¿Uelis motemakas okachi horas, momiakiliskej tanojnotsanij uan akin kichiuaskej tekit kemej precursor auxiliar itech metsti agosto? Ijkon kemej ajsitiyas itamian xiujtekit 2014, ¡maj Jiova kitiochiua chikaujkayot tein tikchiuaskej semanauak taltikpak uan ijkon agosto yeski metsti keman okachi motanojnotsas kemej amo keman mochiuani! (Mat. 24:14.)