Maj niman tikinpaleuikan

Keman moyekchijchiuak kampa timoteixmatiltiaj itech Internet, okachi miakej tajtanij se nemachtil ika Biblia. No tapaleuiani tataman tanojnotsalis senteixtenoj. Itech kali Betel niman kinnankiliaj akin tajtanij nejon nemachtilmej. Komo motajtani itech jw.org, itech kali Betel uejkauaj sayoj ome tonal uan kinnauatiaj tayekananij itech nechikol tein poui kampa nemi taltikpaknenkej. Sayoj ke tikmatij ke kemansa panoua miak semana hasta ke se itaixpantijkauj Jiova kiitati akin tajtanik se nemachtil. ¿Keniuj uelis tikchiuaskej maj nejon taltikpakneminij kiselikan nepaleuil achto ke amo kinekiskejok kiseliskej nemachtil? (Mar. 4:14, 15.)

Komo aksa akin amo nemi itech se xolal kampa tiontanojnotsa kineki kimatis okachi, nimantsin xikonijkuilo amat Sírvase visitar (S-43-S) uan xikonmaka tokniuj tajkuilojkej niman keman mochiuas okse nechikol. Ompa, amo panos ome tonal, yejua temakas nejon amat itech nechikol kampa moneki oso kititanis itech kali Betel ika jw.org kampa kijtoua Congregación. Uan no, tayekananij moneki kiitaskej jw.org nochipa. Komo kinnauatiaj ke aksa kineki maj se itaixpantijkauj Jiova kikalpano, moneki niman kitemoskej. Uan tokniuj akin kikalpanotiuj nejon taltikpaknenkej moneki niman kiitatiuj. Komo amo yetok ichan, uelis kikauilis se amat kampa kijkuilos itokay uan keniuj uelis iuan tajtos.