¿Tiontanojnotsas ika miak yolpakilis kemej Jiova uan Jesús keman tikelnamikiskej imikilis Jesús?
1. ¿Toni okachi mochikauaj kichiuaskej itaixpantijkauan Jiova keman kielnamikij imikilis Jesús?
1 Jiova senkis kichiua tein kiixtalia ika miak yolpakilis. Tein melauj, keman ika tajtoj seki tatiochiualismej tein kiualkuis iTekiuajyo, Isaías 9:7 kijtoua: “Iueyi yoltanejnekilis Jiova akin kinixyekana tateuianij kichiuas nejin”. IKonetsin, Jesús, no kiteixmatiltij ika nochi iyolo taueyichiualis tein melauak (Juan 2:13-17; 4:34). Itech nejon tonalmej keman tikelnamikij imikilis Jesús, millones itaixpantijkauan Jiova okachi timochikauaj titanojnotsaskej uan ijkon tiknextiaj ueyi yolpakilis kemej Jiova uan Jesús. ¿Tikonchiuas ijkon nejin xiuit?
2. ¿Toni tekit peuas tikchiuaskej tonal 7 metsti marzo uan toni kiualkuis komo tikchiuaj ika yolpakilis?
2 Ueyi tekit tein mochiuas keman tikelnamikiskej imikilis Jesús. Ueyi tekit tein mochiuas keman tikelnamikiskej imikilis Jesús nejin xiuit peuas sábado 7 metsti marzo. Semi kuali maj axkan tikixtalikanya titanojnotsaskej ika miak yolpakilis keman mochiuas nejon ueyi tekit. Itech nochi nechikolmej mochiuas miak tekit, porin mochikauaskej tamitekitiskej itech nochi xolalmej kampa ixyetok tanojnotsaskej. Maj tikixtalikan tikinmakaskej se tayoleualis oso tikinnextiliskej itech jw.org, akin tikinmachtiaj ika Biblia, akin tikinkalpanouaj kampa titanojnotsaj, akin iniuan titekitij oso timomachtiaj uan tochankauan.
3. ¿Toni uelis tikchiuaskej uan ijkon okachi titanojnotsaskej itech metsti marzo uan abril?
3 Tekit kemej precursor auxiliar. Titanojnotsaskej ika miak yolpakilis techolinis maj okachi titanojnotsakan. Tein melauj, miakej tikchiuaskej tekit kemej precursor auxiliar itech metsti marzo uan abril, porin uelis tiktemakaskej 30 horas. Keman titaueyichiuaskej kemej kalyetouanij, oso keman timomachtiskej toselti, ika netataujtil uelis tikitaskej keniuj uelis tikchiuaskej (Prov. 15:22). Yolpakilis tein tiknextiskej keman mochiuas nejin ueyi tekit uelis kinyolchikauas oksekin maj no tanojnotsakan ika miak yolpakilis. Komo tikpataj tein moneki porin okachi tiknekij titanojnotsaskej, tiknextijtoskej miak yolpakilis kemej Jesús (Mar. 6:31-34).
4. ¿Toni tatiochiualismej tikseliskej komo titanojnotsaj ika miak yolpakilis kemej Jiova uan Jesús?
4 Komo titanojnotsaj ika miak yolpakilis kemej Jiova uan Jesús keman tikelnamikiskej imikilis Cristo, kuali kisas tekit tein tikchiuaskej. Yekinika, okachi miak taltikpakneminij kikakiskej kuali tanauatilmej itech xolalmej kampa ixyetok titanojnotsaskej. Uan no, tiyolpakiskej tiktekitiliskej Jiova uan oksekin (Hech. 20:35). Uan tein okachi kuali, tikyolpaktiskej Jiova uan iKonetsin.