Keniuj titanojnotsaskej ika seki taman kampa tiktaliaj amaixmej
Tanojnotsalis ika mesa oso tepos tsikitsin kampa tiktaliaj amaixmej tapaleuijtok maj okachi taltikpakneminij akin kipiaj kuali ininyolo, kiselikan tamachtilis tein melauak (Juan 6:44). Yejua ika kinyoleujkej tayekananij maj kiixtalikan tanojnotsalis senteixtenoj kampa miakej panouaj itech xolalmej kampa ixyetok tanojnotsas nechikol. Kemej mesa oso tepos tsikitsin ueli moijkuania, kemansa amo moneki maj kintajtanikan tekiuanij maj kintakauilikan kampa kitaliskej. ¿Akonimej uelis tapaleuiskej? Tanojnotsanij akin kipiaj kuali taixejekolis, kuali motakentiaj uan amo kinouijmaka tajtoskej iniuan oksekin. Axkan, tikitaskej seki taman tein uelis se kichiuas uan okseki tein amo moneki se kichiuas. Komo tanojnotsanij kichiuaj nejin tayolmajxitilis kinpaleuis maj okachi kuali kisa nejon taman tanojnotsalis.