Maj okachi kuali titanojnotsakan: keniuj tiknojnotsaskej akin tajtoua okse tajtol

Keyej motelneki. Jiova kineki maj nochin taltikpakneminij akin seseko kayomej kiixmatikan (Hech. 10:34, 35). Jesús kijtoj ke kuali tanauatilmej moteixmatiltiskiaj “semanauak taltikpak” uan “ijkon nochin kimatiskej” (Mat. 24:14, TNM). Zacarías kijtojka ke nochin akin tajtouaj “tataman tajtolmej” itech altepemej kiseliskiaj kuali tanauatilmej (Zac. 8:23). Dios kichiuak maj tatitanil Juan kiita ke akin momakixtiskej keman ualas ueyi tajyouilis yeskij akin pouiskej itech “nochi tataman paísme uan de nochi tataman tagayot, uan ualeuke de nochi tataman pueblojme uan tajtoayaj nochi tataman tajtolisme” (Apoc. 7:9, 13, 14). Kemej tikitakej achto, komo kampa titanojnotsaj tikajsij se akin tajtoua okse tajtol, monekiskia timochikauaskej tikmatiltiskej tein Biblia tamachtia.