Maj okachi kuali titanojnotsakan: Xikontemo tiontajtos iniuan nochin akin nemij kampa tiontanojnotsa

KEYEJ MOTELNEKI. Zacarías achto kijtoj ke akin tajtouaj tataman tajtolmej uan seseko kayomej kiseliskiaj kuali tanauatilmej (Zac 8:23). Sayoj ke ¿akoni kinmachtiskia? (Ro 10:13-15). Tikpiaj ueyi tatiochiualis tikinixmatiltiskej kuali tanauatilmej akin nemij kampa titanojnotsaj uan moneki tikchiuaskej (od-S pág. 84 § 10, 11).

KENIUJ TIKCHIUASKEJ:

• Achto kuali xionmomachti. ¿Tikonajsini akin tajtouaj okse taman tajtol? Xikonkui aplicación JW Language uan ika xionmomachti keniuj peuas tiontajtos. No uelis tikonkuis tepos tein tikonuikatinemi uan ika xikonnextili keniuj kiajsis okachi tamachtilis itech jw.org itech itajtol.

• Xikonita akin uelis tikonnojnotsas. Komo tiontanojnotstok kajkalpan xionmochikaua tiontajtos iniuan akin ojtokatokej uan akin mochixtokej itech inintepos. Keman tiontanojnotsas senteixtenoj, xikontemo tikontematiltis kuali tanauatilmej.

• Maj timochikauakan. Xionmochikaua tikontemos akin amo yetoyaj ininchan. Xionmochikaua tiontajtos iuan aksa itech sejse kali, xa itech okse hora itech tonal oso itech semana. Xa monekis tiontajtos iniuan oksekin ika carta, teléfono, oso itech ojti.

• Xikonsentoka xiontajto iuan taltikpaknenkej. Niman xionmokepa uan ijkon tikonpaleuis maj kisentoka kineki kimatis okachi. Komo tajtoua okse tajtol, xikontemo se tanojnotskej akin tajtoua itajtol maj kipaleui. Sayoj ke xikonsentoka xikonkalpano hasta keman tokniuan akin tajtouaj itajtol kipaleuiskej (od-S pág. 93, 94 § 39, 40).

XIKONITA VIDEO TITANOJNOTSAJ “HASTA KAMPA OKACHI UEJKA ITECH TALTIKPAK” UAN SATEPAN XIKONNANKILI NEJIN NETAJTANILMEJ:

• 

  ¿Toni kichiujkej tokniuan tein kinpaleuij maj tajtokan iniuan akin nemij okachi uejka? (1Co 9:22, 23).

• 

  ¿Toni taman kiixnamikkej?

• 

  ¿Toni tatiochiualismej kiselijkej?

• ¿Toni uelis tikonchiuas uan ijkon tiontajtos iniuan nochin akin nemij kampa tiontanojnotsa?