Maj okachi kuali titanojnotsakan: xikonnextili momachtianij keniuj tanojnotsaskej

Keyej motelneki. Akin yekin mochiujkej itatojtokakauan Cristo moneki momachtiskej kichiuaskej tein Jesús tanauatij, kemej kinmatiltiskej oksekin tamachtilis tein melauak (Mat. 28:19, 20). Miakej momachtianij ijkuiliujtokej itech Escuela tein Techmachtia iTekiyo Dios uan xa kinixmatiltiaj ininchankauan uan inintasojikniuan tein kijtoua Biblia. Ijkon kemej panoskej tonalmej, okachi kiitaskej ke motelneki tein momachtijtokej. Uan keman kiajsikamatiskej ke Jiova kineki maj nochin kikakikan kuali tanauatilmej, xa kinekiskej tanojnotsatiuij tein kinextis ke kinekij kitekitiliskej Dios (Rom. 10:13, 14). Satepan ke tayekananij kiitaskej ke uelisya tanojnotsatiuij iuan nechikol, monekis maj kuali kinmachtikan keniuj tanojnotsaskej, ta nejon kinpaleuis maj kuali momachilikan (Luc. 6:40).