Maj okachi kuali titanojnotsakan: Xiontanojnotsa itech interfono

KEYEJ MONEKI. Kemej axkan semi tachtekij, miakej kitekitiltiaj teposmej tein onkak uan kitaliaj cámaras oso interfonos ininchan. Xa timouiskej komo tiknojnotsaj se taltikpaknenkej akin amo tikitaj sayoj ke yejua kemaj techita. Tein tikitaskej techpaleuis maj kuali titajtokan keman titanojnotsaskej itech se cámara oso itech interfono.

KENIUJ TIKCHIUASKEJ

• Amo xikonnemili ke amo mitsonkakiskej. Miakej akin kipiaj se cámara oso se interfono kinekij touan tajtoskej.

• Xikonelnamiki ke seki cámaras kichiuaj grabación achto ke tikonpatskas timbre. Yejua ika, akin ompa nemij uelis mitsonkakiskej uan mitsonitaskej keman tionmotokis kaltenoj.

• Keman mitsonnankiliskej, xiontajto kemej yeskia tikonitstoskia akin tikonnojnotstok. Xionixuetska uan ika moixko xikonchiua kemej ipa tionmomattok. Xikonijto tein tikonijtoskia komo mitsontatapouiliskiaj. Komo yetok se cámara amo semi itech xionmotoki. Komo amo mitsonankiliaj amo teyi xikonijto itech interfono.

• Xikonelnamiki ke keman tionmatamis tikonnojnotsas akin mitsonkakik, uelis kisentokas mitsonitstos oso mitsonkaktos.